ಭಟ್ಕಳ: ಜೂಜಾಟದ ಮೇಲೆ ಪೊಲೀಸ್ ದಾಳಿ; 8 ಆರೋಪಿಗಳ ಬಂಧನ, ಲಕ್ಷಾಂತರ ರೂಪಾಯಿ ಮೌಲ್ಯದ ಆಸ್ತಿ ಜಪ್ತಿ

ಭಟ್ಕಳ, ಜುಲೈ 13, 2025: ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆ ವ್ಯಾಪ್ತಿಯ ಮಾವಿನಕುರ್ವೆ ಬಂದರು ಪ್ರದೇಶದಲ್ಲಿ ಹಣ ಸಂಪಾದನೆಯ ಉದ್ದೇಶದಿಂದ ಇಸ್ಟೀಟ್ ಎಲೆಗಳ ಮೇಲೆ ಹಣ ಪಂಥವಾಗಿ ಕಟ್ಟಿ ಜೂಗಾರಿ ಆಟ ಆಡುತ್ತಿದ್ದ 8 ಆರೋಪಿಗಳನ್ನು ಪೊಲೀಸರು ದಾಳಿ ಮಾಡಿ ಬಂಧಿಸಿದ್ದಾರೆ. ಕೆಲವು ಆರೋಪಿಗಳು ಇನ್ನೂ ಪರಾರಿಯಾಗಿದ್ದಾರೆ.

ಬಂಧಿತ ಆರೋಪಿಗಳು:

1. ರಾಘವೇಂದ್ರ (ವಾಸ: ಬೆಳ್ನಿ, ಮಾವಿನಕುರ್ವೆ, ಭಟ್ಕಳ)
2. ನಾಗೇಶ (ವಾಸ: ಬಂದರ, ಮಾವಿನಕುರ್ವೆ, ಭಟ್ಕಳ)
3. ಸನಾವುಲ್ಲಾ (ವಾಸ: ಮೂಸಾನಗರ, ಟಗರಗೋಡ, ಭಟ್ಕಳ)
4. ಗೋವಿಂದ (ವಾಸ: ಬಂದರ, ಮಾವಿನಕುರ್ವೆ, ಭಟ್ಕಳ)
5. ಮೋಹನ ( ವಾಸ: ತಟ್ಟಿಹಕ್ಕಲ, ಶಿರಾಲಿ, ಭಟ್ಕಳ)
6. ಶ್ರೀನಿವಾಸ (ವಾಸ: ಬಂದರ, ಮಾವಿನಕುರ್ವೆ, ಭಟ್ಕಳ)
7. ರಾಮಚಂದ್ರ (ವಾಸ: ಬಂದರ, ಮಾವಿನಕುರ್ವೆ, ಭಟ್ಕಳ)
8. ಪಾಂಡುರಂಗ (ವಾಸ: ಬಂದರ, ಮಾವಿನಕುರ್ವೆ, ಭಟ್ಕಳ)

ಈ ಆರೋಪಿಗಳಿಂದ ಒಟ್ಟು 2,04,938/- ರೂ. ಮೌಲ್ಯದ ಸ್ವತ್ತುಗಳನ್ನು ವಶಪಡಿಸಿಕೊಳ್ಳಲಾಗಿದ್ದು, ಇದರಲ್ಲಿ ನಗದು ಹಣ ₹4,938/-, 52 ಇಸ್ಟೀಟ್ ಕಾರ್ಡ್‌ಗಳು, ಮತ್ತು 4 ಮೋಟಾರ್ ಸೈಕಲ್‌ಗಳು (ಪ್ರತಿ ಒಂದರ ಮೌಲ್ಯ ₹50,000/-) ಸೇರಿವೆ.

ಭಟ್ಕಳ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಈ ಸಂಬಂಧ ಗುತ್ತಿಗೆ ಸಂಖ್ಯೆ 82/2025ರಡಿ ಕಲಂ 112 BNS, 2923 ಮತ್ತು 80 ಕರ್ನಾಟಕ ಪೊಲೀಸ್ ಕಾಯ್ದೆಯಡಿ 10 ಜನರ ವಿರುದ್ಧ ಪ್ರಕರಣ ದಾಖಲಾಗಿದೆ. ಕೆಲವು ಆರೋಪಿಗಳು ಇನ್ನೂ ಪರಾರಿಯಾಗಿದ್ದು, ತನಿಖೆ ಮುಂದುವರಿದಿದೆ. ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ ಅಧಿಕಾರಿ-ಸಿಬ್ಬಂದಿಗಳನ್ನು ಪ್ರಶಂಸಿಸಲಾಗಿದೆ.