Timeline India

Category: Uncategorized

  • ಭಟ್ಕಳ ನಗರ ಸ್ಪೋಟಿಸುವುದಾಗಿ ಪೊಲೀಸ್ ಠಾಣೆಗೆ ಎರಡು ಇಮೇಲ್ ಸಂದೇಶ -ಬಾಂಬ್ ನಿಷ್ಕ್ರಿಯ ದಳದಿಂದ ತಪಾಸಣೆ

     ಭಟ್ಕಳ : ಉತ್ತರ ಕನ್ನಡ ಜಿಲ್ಲೆಯ ಭಟ್ಕಳ ನಗರವನ್ನು 24 ಗಂಟೆಯೊಳಗೆ ಸ್ಪೋಟಿಸುವುದಾಗಿ ಕಣ್ಣನ್ ಗುರುಸ್ವಾಮಿ ಎಂಬ ಹೆಸರಿನಲ್ಲಿ ಭಟ್ಕಳ ಶಹರ ಠಾಣೆಗೆ ಬೆದರಿಕೆಯ ಇ-ಮೇಲ್ ಸಂದೇಶವನ್ನು ಕಳುಹಿಸಲಾಗಿದೆ.

    ಜುಲೈ 10 ರ ಬೆಳಗ್ಗೆ 7-22 ಕ್ಕೆ ಈ ಈ ಮೇಲ್ ಸಂದೇಶವನ್ನು ಎರಡು ಬಾರಿ ಕಳುಹಿಸಲಾಗಿದ್ದು,  kannnannandik@gmail.com  ನಿಂದ ಭಟ್ಕಳ ಶಹರ ಠಾಣೆಯ bhatkaltownkwr@ksp.gov.in ಸಂದೇಶ ರವಾನಿಸಲಾಗಿದೆ. ಜುಲೈ 10 ರ ಬೆಳಗ್ಗೆ ಬಂದ ಮೊದಲ ಇಮೇಲ್ ಸಂದೇಶದಲ್ಲಿ ವಿ ವಿಲ್ ಪ್ಲಾಂಟ್ ಬಾಂಬ್ ಇನ್ ಭಟ್ಕಳ ಟೌನ್ ಎಂದು ಸಂದೇಶ ಕಳುಹಿಸಲಾಗಿದ್ದು ,ನಂತರ ಆಲ್ ದ ಬಾಂಬ್ ವಿಲ್ ಬ್ಲಾಸ್ಟ್ ಇನ್ 24 ಹಾರ್ಸ್ ಎಂದು ಸಂದೇಶ ಕಳುಹಿಸಲಾಗಿದೆ.

    ಈ ಕುರಿತು ಭಟ್ಕಳ ಶಹರ ಠಾಣೆಯ ಪಿ.ಎಸ್.ಐ ನವೀನ್ ರವರು ಸ್ವಯಂ ಪ್ರೇರಿತ ದೂರು ದಾಖಲಿಸಿಕೊಂಡಿದ್ದು ,ಇಂದು ಮುಂಜಾಗೃತ ಕ್ರಮವಾಗಿ ಭಟ್ಕಳ ನಗರದ ಬಸ್ ನಿಲ್ದಾಣ,ರೈಲ್ವೆ ನಿಲ್ದಾಣ ಸೇರಿದಂತೆ ಪ್ರಮುಖ ಜನ ನಿಬಿಡ ಪ್ರದೇಶದಲ್ಲಿ ಶ್ವಾನ ದಳ ಹಾಗೂ ಜಿಲ್ಲಾ ಬಾಂಬ್ ನಿಷ್ಕ್ರಿಯ ದಳದಿಂದ ತಪಾಸಣೆ ನಡೆಸಲಾಯಿತು. ಇದಲ್ಲದೇ ದ್ರೋಣ್ ಕ್ಯಾಮರಾ ಮೂಲಕವೂ ಕಣ್ಗಾವಲಿಟ್ಟು ತಪಾಸಣೆ ನಡೆಸಲಾಗಿದೆ. ಇದೇ ಮೊದಲಬಾರಿಗೆ ಭಟ್ಕಳ ನಗರ ಸ್ಪೋಟಿಸುವ ಸಂದೇಶ ಬಂದಿದ್ದು  ಪೊಲೀಸರು ಅಲರ್ಟ ಆಗಿದ್ದು ತಪಾಸಣೆ ಕೈಗೊಂಡಿದ್ದಾರೆ.

    ಇನ್ನು ಪೊಲೀಸ್ ವರಿಷ್ಟಾಧಿಕಾರಿ ಎಂ.ನಾರಾಯಣ್ ರವರು ಭಟ್ಕಳಕ್ಕೆ ತೆರಳಿದ್ದು ಹೆಚ್ಚಿನ ಮಾಹಿತಿ ಹೊರಬರಬೇಕಿದೆ.

  • ಕಾರವಾರ ಜಿಲ್ಲಾ ಆಸ್ಪತ್ರೆಯ ಸರ್ಜನ್ ಶಿವಾನಂದ ಕುಡ್ತಲಕರ್ ಲೋಕಾಯುಕ್ತ ಬಲೆಗೆ

    ಕಾರವಾರ : ಆಸ್ಪತ್ರೆಗೆ ಹಾಸಿಗೆ ಸಪ್ಲೈ ಮಾಡುವ ಗುತ್ತಿಗೆದಾರರೊಬ್ಬರಿಂದ ಲಂಚ‌ ಪಡೆಯುತ್ತಿದ್ದ ವೇಳೆ ಕಾರವಾರ ಮೆಡಿಕಲ್ ಕಾಲೇಜು ಅಧೀನ ಜಿಲ್ಲಾ ಆಸ್ಪತ್ರೆಯ ಆಡಳಿತಾಧಿಕಾರಿ, ಹೆರಿಗೆ ಡಾಕ್ಟರ್ ಶಿವಾನಂದ ಕುಡ್ತಲಕರ್ ಗುರುವಾರ ಲೋಕಾಯುಕ್ತರ ಬಲೆಗೆ ಬಿದ್ದ ಘಟನೆ ನಡೆದಿದೆ.

    ಕಾರವಾರ ಲೋಕಾಯುಕ್ತರ ಬಲೆ ಬಿದ್ದಿರುವ ಶಿವಾನಂದ ಕುಡ್ತಲಕರ್ ಗುತ್ತಿಗೆದಾರರೊಬ್ಬರ ಬಳಿ 50,000 ರೂಪಾಯಿ ಬೇಡಿಕೆ ಇಟ್ಟಿದ್ದರು ಎನ್ನಲಾಗಿದೆ.ಆಸ್ಪತ್ರೆಯ ರೋಗಿಗಳ ಹಾಸಿಗೆ ಟೆಂಡರ್ 3.5 ಲಕ್ಷದ ಬಿಲ್ ಪಾವತಿಸಲು 75000 ಲಂಚಕ್ಕೆ ಬೇಡಿಕೆಯಿಟ್ಟಿದ್ದರು. ನಿನ್ನೆ 20000 ಲಂಚ ಪಡೆದಿದ್ದರು. ಇಂದು 30 ಸಾವಿರ ಲಂಚದ (ಕಮಿಷನ್ ) ಹಣ ಪಡೆಯುವಾಗ ಲೋಕಾಯುಕ್ತ ಡಿವೈಎಸ್ ಪಿ ಧನ್ಯಾ ನಾಯ್ಕ ಹಾಗೂ ತಂಡ ದಾಳಿ ಮಾಡಿ ಕುಡ್ತಲಕರ್ ಅವರನ್ನು ಹಿಡಿದಿದ್ದಾರೆ‌.

    ಅಂಕೋಲಾ ಮೂಲದ ಗುತ್ತಿಗೆದಾರ ಮೌಸೀನ್ ಅಹ್ಮದ್ ಶೇಖ್ ಎಂಬುವವರು ಲೋಕಾಯುಕ್ತಕ್ಕೆ ಈ ಸಂಬಂಧ ದೂರು‌ ನೀಡಿದ್ದರು. ನಿನ್ನೆ ರಾತ್ರಿ 20,ಸಾವಿರ ಹಣ ನೀಡಲಾಗಿತ್ತು. ಇಂದು 30 ಸಾವಿರ ರೂಪಾಯಿ ಕೇಳಿದ್ದು, ಈ‌‌ ವೇಳೆ‌ ವೈದ್ಯನ ಕಾಟ ತಾಳಲಾರದೆ, ಉಳಿದ 30 ಸಾವಿರ ರೂಪಾಯಿ ಹಣವನ್ನು ಭ್ರಷ್ಟ ವೈದ್ಯ , ಕುಡ್ತಲಕರ್ ಗೆ ನೀಡಿದರು‌. ಲಂಚದ ಹಣ ಸ್ವಿಕರಿಸುವಾಗ ರೆಡ್ ಹ್ಯಾಂಡ್ ಆಗಿ ಡಾ. ಶಿವಾನಂದ ಕುಡಲ್ತಕರ್ ಸಿಕ್ಕಿಬಿದ್ದಿದ್ದಾರೆ.
    ಕಾರವಾರ ಲೋಕಾಯುಕ್ತ ಡಿವೈಎಸ್ಪಿ ಧನ್ಯಾ ನಾಯ್ಕ್ ನೇತೃತ್ವದಲ್ಲಿ , ಅವರ ಸಿಬ್ಬಂದಿ ಈ‌ ದಾಳಿ ನಡೆಸಿದರು‌ .
    ಪ್ರಕರಣ ದಾಖಲಿಸುವ ಪ್ರಕ್ರಿಯೆ ಮುಂದುವರಿದಿದೆ‌.

  • ಪುತ್ತೂರು: ನೀಲಿ ಬಣ್ಣಕ್ಕೆ ತಿರುಗಿದ ನೀರಿನ ಟ್ಯಾಂಕ್; ಸರ್ಕಾರಿ ಶಾಲೆಯ ಮಕ್ಕಳಿಗೆ ತುರಿಕೆ; ತನಿಖೆ

    ಪುತ್ತೂರು, ಜುಲೈ 10, 2025: ಪುತ್ತೂರು ತಾಲೂಕಿನ ಒಳಮೊಗ್ರು ಗ್ರಾಮದ ಅಜ್ಜಿಕಲ್ಲು ಸರ್ಕಾರಿ ಉಚ್ಚ ಪ್ರಾಥಮಿಕ ಶಾಲೆಯಲ್ಲಿ ಬುಧವಾರ ಬೆಳಗ್ಗೆ ರಹಸ್ಯವಾಗಿ ನೀಲಿ ಬಣ್ಣಕ್ಕೆ ತಿರುಗಿದ ಶಾಲೆಯ ಟ್ಯಾಂಕ್ ನೀರನ್ನು ಸ್ಪರ್ಶಿಸಿದ ಮಕ್ಕಳಿಗೆ ಚರ್ಮ ಉಬ್ಬುವ ಸಮಸ್ಯೆ ಕಾಣಿಸಿಕೊಂಡಿದ್ದು, ಆಘಾತಕಾರಿ ಘಟನೆ ನಡೆದಿದೆ. ಮೂಲಗಳ ಪ್ರಕಾರ, ಸಾಮಾನ್ಯವಾಗಿ ಬೋರ್‌ವೆಲ್‌ನಿಂದ ತೆಗೆದುಕೊಳ್ಳುವ ಈ ನೀರನ್ನು ಶುಚಿಗೊಳಿಸುವುದು ಮತ್ತು ಶೌಚಾಲಯದ ಬಳಕೆಗೆ ಬಳಸಲಾಗುತ್ತದೆ. ಶಾಲೆ ಪ್ರಾರಂಭವಾದಾಗ ನೀರಿನಲ್ಲಿ ನೀಲಿ ಬಣ್ಣ ಕಾಣಿಸಿಕೊಂಡು ಸಿಬ್ಬಂದಿಗಳಲ್ಲಿ ತಕ್ಷಣ ಆತಂಕ ಮೂಡಿತು. ಈ ನೀರನ್ನು ಬಳಸಿದ ಕೆಲವೇ ಕ್ಷಣಗಳಲ್ಲಿ ಮಕ್ಕಳು ಕೈ ಮತ್ತು ಕಾಲುಗಳಲ್ಲಿ ಚೀಯುವ ದೂರು ಪ್ರಾರಂಭಿಸಿದ್ದು, ಶಾಲಾ ಅಧಿಕಾರಿಗಳು ತುರ್ತು ಕ್ರಮ ಕೈಗೊಂಡರು.

    ಹೆಡ್‌ಮಿಸ್ಟ್ರೆಸ್ ಚಿತ್ರಾ ರೈ ಪ್ರಕಾರ, ಟ್ಯಾಂಕ್‌ನಲ್ಲಿ ದಿನವೇಳೆ ಖಾಲಿ ಮಾಡಿ, ಸ್ವಚ್ಛಗೊಳಿಸಿ, ಹೊಸ ಬೋರ್‌ವೆಲ್ ನೀರಿನಿಂದ ತುಂಬಲಾಗಿತ್ತು. “ಸಮಸ್ಯೆ ಗಮನಕ್ಕೆ ಬಂದ ತಕ್ಷಣವೇ ಆರೋಗ್ಯ ಇಲಾಖೆಗೆ ಮಾಹಿತಿ ನೀಡಲಾಯಿತು,” ಎಂದು ಅವರು ಹೇಳಿದರು.

    ಎಸ್‌ಡಿಎಂಸಿ ಅಧ್ಯಕ್ಷ ಗಣೇಶ ಮುಂಡೋವುಮುಲೆ, ಒಲಮೊಗ್ರು ಗ್ರಾಮ ಪಂಚಾಯತ್ ಅಧ್ಯಕ್ಷ ತ್ರಿವೇಣಿ ಪಲ್ಲತ್ತಾರು, ಸದಸ್ಯ ಮಹೇಶ ರೈ ಕೇರಿ, ಸಮುದಾಯ ಆರೋಗ್ಯಾಧಿಕಾರಿ (CHO) ವಿದ್ಯಾಶ್ರೀ ಮತ್ತು ಆಶಾ ಕಾರ್ಯಕರ್ತೆ ಸರೋಜಿನಿ ಒಳಗೊಂಡ ತಂಡ ಶಾಲೆಗೆ ಭೇಟಿ ನೀಡಿ ಪರಿಸ್ಥಿತಿ ಪರಿಶೀಲಿಸಿತು.

    ಆರೋಗ್ಯ ಅಧಿಕಾರಿಗಳು ನೀಲಿ ನೀರಿನ ಮಾದರಿಗಳನ್ನು ಸಂಗ್ರಹಿಸಿ ಪ್ರಯೋಗಾಲಯ ಪರೀಕ್ಷೆಗೆ ಕಳುಹಿಸಿದ್ದಾರೆ, ಅದರ ಮೂಲವನ್ನು ಗುರುತಿಸುವ ಗುರಿಯನ್ನು ಹೊಂದಿದ್ದಾರೆ. ನೀರಿನ ಬಣ್ಣ ಬದಲಾಗಲು ನೈಸರ್ಗಿಕ ಕಾರಣಗಳನ್ನು ಪರಿಗಣಿಸಲಾಗುತ್ತಿದೆ, ಆದರೆ ಬಾಹ್ಯ ಅಂಶಗಳು ಉದ್ದೇಶಪೂರ್ವಕವಾಗಿ ನೀರಿನ ಸರಬರಾಜನ್ನು ಅಡ್ಡಿಪಡಿಸಿರಬಹುದು ಎಂಬ ಅನುಮಾನವೂ ಇದೆ.

    ಈ ಘಟನೆಯಿಂದಾಗಿ ಪೋಷಕರು ಮತ್ತು ಸ್ಥಳೀಯ ನಿವಾಸಿಗಳಲ್ಲಿ ಮಕ್ಕಳ ಸುರಕ್ಷತೆ ಮತ್ತು ಗ್ರಾಮೀಣ ಶಾಲೆಗಳ ನೀರಿನ ಮೂಲಗಳ ಮೇಲೆ ಕಠಿಣ ಮೇಲ್ವಿಚಾರಣೆಯ ಅಗತ್ಯತೆ ಕುರಿತು ಗಂಭೀರ ಆತಂಕ ಮೂಡಿದೆ. ಪ್ರಾಧಿಕಾರಗಳು ಪರೀಕ್ಷಾ ಫಲಿತಾಂಶಗಳ ಅವಲಂಬನೆಯಲ್ಲಿ ಕಾಯುತ್ತಿದ್ದು, ಆರೋಗ್ಯ ಇಲಾಖೆಯು ಕಾರಣ ಖಚಿತವಾದ ತಕ್ಷಣ ಸೂಕ್ತ ಪರಿಹಾರ ಕ್ರಮ ತೆಗೆದುಕೊಳ್ಳುವ ಭರವಸೆ ನೀಡಿದೆ.

  • ಹಿಂಜಾವೇ ಪ್ರತಿಭಟನೆಯಲ್ಲಿ ಶಾಸಕರ ಅವಹೇಳನ: ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್‍ನಿಂದ ಪೊಲೀಸ್ ದೂರು

    ಉಪ್ಪಿನಂಗಡಿ, ಜುಲೈ 9, 2025: ಪುತ್ತೂರಿನಲ್ಲಿ ನಡೆದ ಹಿಂದೂ ಜಾಗರಣಾ ವೇದಿಕೆಯ ಪ್ರತಿಭಟನೆಯಲ್ಲಿ ಸಾರ್ವಜನಿಕ ವಾಗಿ ಶಾಸಕರಾದ ಅಶೋಕ್ ಕುಮಾರ್ ರೈಯವರನ್ನು ನಿಂದಿಸಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ವತಿಯಿಂದ ಉಪ್ಪಿನಂಗಡಿ ಪೊಲೀಸರಿಗೆ ದೂರು ನೀಡಲಾಗಿದೆ.

    ಜು. 7ರಂದು ಪುತ್ತೂರಿನ ದರ್ಬೆಯಲ್ಲಿ ನಡೆದ ಹಿಂದೂ ಜಾಗರಣ ವೇದಿಕೆಯ ಪ್ರತಿಭಟನಾ ಸಭೆಯಲ್ಲಿ ಅಜಿತ್ ಮಡಿಕೇರಿ ಎಂಬಾತ ಶಾಸಕರನ್ನು ಅವಹೇಳನಾಕಾರಿಯಾಗಿ ಬೈದು, ಜೀವ ಬೆದರಿಕೆಯನ್ನು ಮಾಡಿರುತ್ತಾನೆ. ಅಲ್ಲದೇ ಅಯೋಗ್ಯ ಶಾಸಕ ಎಂದು ಹೇಳುವುದರ ಮೂಲಕ ಶಾಸಕರಿಗೆ ಅವಮಾನ ಮಾಡಿರುತ್ತಾನೆ. ಅಲ್ಲದೇ ಇಸ್ಲಾಮಿಕ್ ಭಯೋತ್ಪಾದಕ ಗೂಂಡಗಳಿಗೆ ಶಾಸಕರು ಬೆಂಬಲಿಸಿದ್ದಾರೆಂದು ಎಂದು ಹೇಳುವುದರ ಮೂಲಕ ಭಾಷಣದಲ್ಲಿ ಕೋಮು ಪ್ರಚೋದನೆಯನ್ನು ಮಾಡಿರುತ್ತಾನೆ. ಅಲ್ಲದೆ, ಸಾರ್ವಜನಿಕವಾಗಿ ಶಾಸಕರನ್ನು ಧಮನಿಸುತ್ತೇವೆ ಎಂದು ಬೆದರಿಕೆ ಹಾಕಿರುತ್ತಾನೆ. ಶಾಸಕರ ಅಭಿವೃದ್ಧಿ ಮತ್ತು ಸಾರ್ವಜನಿಕ ಸೇವೆ ಬಗ್ಗೆ ಇವರ ಪ್ರಭಾವವನ್ನು ಕುಂದಿಸಲು ಸುಳ್ಳು ಆರೋಪವನ್ನು ಹೊರಿಸಿರು ತ್ತಾನೆ. ಆದ್ದರಿಂದ ಶಾಸಕರನ್ನು ಬೆದರಿಸುವ ಈತನ ದುರಹಂಕಾರದ ವರ್ತನೆಗೆ ಈತನ ಮೇಲೆ ಕಾನೂನು ಕ್ರಮ ಕೈಗೊಳ್ಳುವಂತೆ ದೂರಿನಲ್ಲಿ ತಿಳಿಸಲಾಗಿದೆ.

    ದೂರು ಕೊಟ್ಟ ನಿಯೋಗದಲ್ಲಿ ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಯು.ಟಿ. ತೌಸೀಫ್, ಡಿಸಿಸಿ ಕಾರ್ಯದರ್ಶಿ ನಝೀರ್ ಮಠ, , ವಿಟ್ಲ- ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ಡಾ.ರಾಜಾರಾಂ ಕೆ.ಬಿ., 34 ನೆಕ್ಕಿಲಾಡಿ ವಲಯ ಕಾಂಗ್ರೆಸ್ ಅಧ್ಯಕ್ಷೆ ಅನಿ ಮಿನೇಜಸ್, ಉಪ್ಪಿನಂಗಡಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಆದಂ ಕೊಪ್ಪಳ, ಹಿರೇಬಂಡಾಡಿ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ರವೀಂದ್ರ ಪಟಾರ್ತಿ, ಉಪ್ಪಿನಂಗಡಿ ಗ್ರಾ.ಪಂ. ಮಾಜಿ ಅಧ್ಯಕ್ಷ ಅಬ್ದುರ್ರಹ್ಮಾನ್ ಕೆ., ಕಾಂಗ್ರೆಸ್ ಪ್ರಮುಖರಾದ ಶಬ್ಬೀರ್ ಕೆಂಪಿ, ಸಿದ್ದಿಕ್ ಕೆಂಪಿ, ನಾಗೇಶ್ ಪ್ರಭು, ಝಕರಿಯಾ ಹಿರೆಬಂಡಾಡಿ, ಅಬ್ದುಲ್ ಖಾದರ್, ಪ್ರೆಸಿಲ್ಲಾ ಡಿಸೋಜಾ ವಳಾಲು ಮತ್ತಿತರರು ಉಪಸ್ಥಿತರಿದ್ದರು.

  • ಭಟ್ಕಳ: ಬೀದಿ ನಾಯಿ ದಾಳಿಯಿಂದ ನಾಲ್ಕು ವರ್ಷದ ಬಾಲಕ ಗಂಭೀರ ಗಾಯ; ಮೂರು ದಿನಗಳಲ್ಲಿ 15ಕ್ಕೂ ಹೆಚ್ಚು ಜನರ ಮೇಲೆ ದಾಳಿ

    ಭಟ್ಕಳ, ಜುಲೈ 7, 2025: ರಾಯಚೂರು ಜಿಲ್ಲೆಯಲ್ಲಿ ಭಾನುವಾರ, ಜುಲೈ 6 ರಂದು ಮೊಹರಂ ರಜೆಯಂದು ನಡೆದ ಆಘಾತಕಾರಿ ಘಟನೆಯೊಂದರಲ್ಲಿ, ನಾಲ್ಕು ವರ್ಷದ ಬಾಲಕನೊಬ್ಬ ಬೀದಿ ನಾಯಿಗಳ ಗುಂಪಿನ ದಾಳಿಗೆ ಒಳಗಾಗಿ ಗಂಭೀರವಾಗಿ ಗಾಯಗೊಂಡಿದ್ದಾನೆ. ಈ ಘಟನೆಯ ಜೊತೆಗೆ, ಕಳೆದ 70 ಗಂಟೆಗಳಲ್ಲಿ ಭಟ್ಕಳದ ವಿವಿಧ ಭಾಗಗಳಲ್ಲಿ 15ಕ್ಕೂ ಹೆಚ್ಚು ಜನರ ಮೇಲೆ, ವಿಶೇಷವಾಗಿ ಮಕ್ಕಳ ಮೇಲೆ, ಬೀದಿ ನಾಯಿ ದಾಳಿಗಳು ನಡೆದಿರುವುದು ಸ್ಥಳೀಯರಲ್ಲಿ ಆತಂಕ ಮೂಡಿಸಿದೆ.

    ನಾಲ್ಕು ವರ್ಷದ ಬಾಲಕನ ಮೇಲೆ ದಾಳಿ: ರಾಯಚೂರು ಜಿಲ್ಲೆಯ ಘಟನೆಯಲ್ಲಿ, ಎಲ್‌ಕೆಜಿ ವಿದ್ಯಾರ್ಥಿ ಮೊಹಮ್ಮದ್ ನೌಮಾನ್ ಎಂಬ ಬಾಲಕ ತನ್ನ ಮನೆಯ ಸಮೀಪ ಆಟವಾಡುತ್ತಿದ್ದಾಗ ತಿರುಗಾಡುವ ಬೀದಿ ನಾಯಿವೊಂದು ಆಕಸ್ಮಿಕವಾಗಿ ಆತನ ಕತ್ತಿಗೆ ದಾಳಿ ಮಾಡಿ ಎಳೆದೊಯ್ಯಲು ಯತ್ನಿಸಿತು. ಕೆಲವೇ ಕ್ಷಣಗಳಲ್ಲಿ, ಇನ್ನೂ ನಾಲ್ಕು ಶ್ವಾನಗಳು ಸೇರಿಕೊಂಡು ಬಾಲಕನ ಮೇಲೆ ದಾಳಿ ನಡೆಸಿದವು. ಬಾಲಕನ ತಾಯಿ, ಸ್ವಲ್ಪ ದೂರದಲ್ಲಿದ್ದವರು, ಕೂಡಲೇ ಧಾವಿಸಿ ಕಲ್ಲು ಎಸೆದು ನಾಲ್ಕು ಬೀದಿ ನಾಯಿಗಳನ್ನು ಓಡಿಸಿದರು. ಆದರೆ, ಬಾಲಕನ ಕತ್ತಿಗೆ ಕಚ್ಚಿಕೊಂಡಿದ್ದ ಶ್ವಾನವನ್ನು ಬಿಡಿಸಲು ತೀವ್ರ ಪರಿಶ್ರಮ ಬೇಕಾಯಿತು. ತಾಯಿಯ ಶೀಘ್ರ ಹಸ್ತಕ್ಷೇಪದಿಂದ ಬಾಲಕನ ಜೀವ ಉಳಿಯಿತು.

    ಗಂಭೀರ ಗಾಯಗಳೊಂದಿಗೆ ಮೊಹಮ್ಮದ್ ನೌಮಾನ್‌ನನ್ನು ರಾಯಚೂರು ಇನ್‌ಸ್ಟಿಟ್ಯೂಟ್ ಆಫ್ ಮೆಡಿಕಲ್ ಸೈನ್ಸಸ್ (RIMS) ಆಸ್ಪತ್ರೆಗೆ ಕರೆದೊಯ್ಯಲಾಯಿತು. ಆತನ ತಲೆ, ಕತ್ತು ಮತ್ತು ಮುಖಕ್ಕೆ ಗಂಭೀರ ಗಾಯಗಳಾಗಿದ್ದು, ಪ್ರಸ್ತುತ ಆತ ಚೇತರಿಸಿಕೊಳ್ಳುತ್ತಿದ್ದಾನೆ ಎಂದು ವೈದ್ಯರು ತಿಳಿಸಿದ್ದಾರೆ. ಬಾಲಕನ ತಂದೆ ಮೊಹಮ್ಮದ್ ಫಾರೂಕ್, “ಅಲ್ಲಾಹನ ಕೃಪೆಯಿಂದ ನನ್ನ ಮಗ ಬದುಕುಳಿದ. ಬೀದಿ ನಾಯಿಗಳ ಗುಂಪು ದಾಳಿಯಲ್ಲಿ ಯಾವುದೇ ಕಸರತ್ತನ್ನೂ ಬಿಡಲಿಲ್ಲ,” ಎಂದು ಹೇಳಿದ್ದಾರೆ. ತಮ್ಮ ಮಗನ ಶೀಘ್ರ ಚೇತರಿಕೆಗಾಗಿ ಪ್ರಾರ್ಥಿಸುವಂತೆ ಮತ್ತು ಮಕ್ಕಳನ್ನು ಎಂದಿಗೂ ಒಂಟಿಯಾಗಿ ಹೊರಗೆ ಬಿಡದಂತೆ ಪೋಷಕರಿಗೆ ಅವರು ಮನವಿ ಮಾಡಿದ್ದಾರೆ.

    ಭಟ್ಕಳದಲ್ಲಿ ಶ್ವಾನ ದಾಳಿಗಳ ಏರಿಕೆ: ಭಟ್ಕಳದಲ್ಲಿ ಕಳೆದ ಮೂರು ದಿನಗಳಲ್ಲಿ 15ಕ್ಕೂ ಹೆಚ್ಚು ಜನರು, ಮುಖ್ಯವಾಗಿ ಮಕ್ಕಳು, ಬೀದಿ ನಾಯಿ ದಾಳಿಗಳಿಂದ ಗಾಯಗೊಂಡಿದ್ದಾರೆ. ಭಾನುವಾರ ಮಧ್ಯಾಹ್ನ, ಮದೀನಾ ಕಾಲೋನಿಯ ಇಹಾಬ್ ಅಹ್ಮದ್ (4), ಇಮ್ತಿಯಾಜ್ ಹುಸೇನ್ ದಮೂದಿ ಅವರ ಮಗ, ಟ್ಯೂಷನ್‌ನಿಂದ ಮನೆಗೆ ವಾಪಸಾಗುತ್ತಿದ್ದಾಗ ಎರಡು ಬೀದಿ ನಾಯಿಗಳು ಆತನನ್ನು ಬೆನ್ನಟ್ಟಿ ಕಾಲಿಗೆ ಕಚ್ಚಿವೆ. ಆತನ ಕೂಗಾಟ ಕೇಳಿ ಕುಟುಂಬದವರು ಧಾವಿಸಿ ಆತನನ್ನು ರಕ್ಷಿಸಿದರು. ಆತನಿಗೆ ಭಟ್ಕಳ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಮತ್ತು ಲಸಿಕೆ ನೀಡಲಾಗಿದೆ.

    ಭಟ್ಕಳ ಸರ್ಕಾರಿ ಆಸ್ಪತ್ರೆಯ ಮೂಲಗಳ ಪ್ರಕಾರ, ಮದೀನಾ ಕಾಲೋನಿ, ಜಾಲಿ, ತಲಾಂದ್, ಬೆಲ್ನಿ, ಸರ್ಪನಕಟ್ಟ, ಬಂದರ್ ರೋಡ್, ಹಾದಿನ್, ನೂಜ್, ಕಿತ್ರೆ ಮತ್ತು ಹೊನ್ನೆಗದ್ದೆಯಂತಹ ಪ್ರದೇಶಗಳಿಂದ ಕಳೆದ ಮೂರು ದಿನಗಳಲ್ಲಿ 15ಕ್ಕೂ ಹೆಚ್ಚು ಜನರು ಶ್ವಾನ ಕಡಿತದ ಚಿಕಿತ್ಸೆಗೆ ಆಗಮಿಸಿದ್ದಾರೆ. ಈ ದಾಳಿಗಳು ಮುಖ್ಯವಾಗಿ ಮಕ್ಕಳ ಮೇಲೆ ನಡೆದಿವೆ, ಜೊತೆಗೆ ಕೆಲವು ವಯಸ್ಕರ ಪ್ರಕರಣಗಳೂ ದಾಖಲಾಗಿವೆ.

    ಸಾರ್ವಜನಿಕ ಆಕ್ರೋಶ: ಸಾಮಾಜಿಕ ಜಾಲತಾಣಗಳಲ್ಲಿ ಭಟ್ಕಳದ ಮದೀನಾ ಕಾಲೋನಿ, ಜಾಮಿಯಾ ಆಬಾದ್ ರಸ್ತೆ, ಉಮರ್ ಸ್ಟ್ರೀಟ್, ನವಾಯತ್ ಕಾಲೋನಿ, ಕರ್ಗದ್ದೆ ಮತ್ತು ಮಖ್ದೂಮ್ ಕಾಲೋನಿಯಂತಹ ಪ್ರದೇಶಗಳಲ್ಲಿ ಬೀದಿ ನಾಯಿಗಳ ಸಂಖ್ಯೆಯ ಏರಿಕೆಯ ಬಗ್ಗೆ ಸ್ಥಳೀಯರು ಆತಂಕ ವ್ಯಕ್ತಪಡಿಸಿದ್ದಾರೆ. ಶ್ವಾನಗಳು ಗುಂಪುಗೂಡಿ ಆಕ್ರಮಣಕಾರಿಯಾಗಿ ವರ್ತಿಸುತ್ತಿವೆ ಎಂದು ದೂರಿದ್ದಾರೆ. ಮಕ್ಕಳು ಶಾಲೆಗೆ ಒಂಟಿಯಾಗಿ ಹೋಗುವುದಕ್ಕೆ ಪೋಷಕರು ಭಯಪಡುತ್ತಿದ್ದಾರೆ.

    ನಾಗರಿಕರು ತಾಲೂಕು ಆಡಳಿತ, ಪುರಸಭೆ ಮತ್ತು ಸ್ಥಳೀಯ ಸಾಮಾಜಿಕ ಸಂಸ್ಥೆಗಳಿಗೆ ಬೀದಿ ನಾಯಿಗಳನ್ನು ಸುರಕ್ಷಿತವಾಗಿ ಸೆರೆಹಿಡಿದು ಕಾಡಿನ ಪ್ರದೇಶಗಳಿಗೆ ಸ್ಥಳಾಂತರಿಸುವಂತೆ ಒತ್ತಾಯಿಸಿದ್ದಾರೆ. ತಕ್ಷಣ ಕ್ರಮ ಕೈಗೊಳ್ಳದಿದ್ದರೆ, ಇಂತಹ ದಾಳಿಗಳಿಂದ ಮುಂದೆ ಗಾಯಾಳುಗಳ ಸಂಖ್ಯೆಯೂ ಏರಿಕೆಯಾಗಬಹುದು ಅಥವಾ ಪ್ರಾಣಾಪಾಯ ಸಂಭವಿಸಬಹುದು ಎಂದು ಎಚ್ಚರಿಸಿದ್ದಾರೆ.

  • ರೇಬೀಸ್ ಎಂದರೇನು? ಇದನ್ನು ತಡೆಗಟ್ಟುವುದು ಹೇಗೆ?

    ರೇಬೀಸ್ ಒಂದು ಮಾರಣಾಂತಿಕ ರೋಗವಾಗಿದ್ದು, ಇದರ ಕುರಿತು ಸಾಮಾನ್ಯ ಜನರಲ್ಲಿ ಜಾಗೃತಿಯ ಕೊರತೆಯಿಂದಾಗಿ ಭಾರತದಲ್ಲಿ ವಾರ್ಷಿಕವಾಗಿ ಸಾವಿರಾರು ಸಾವುಗಳು ಸಂಭವಿಸುತ್ತವೆ. ಈ ಲೇಖನದಲ್ಲಿ ರೇಬೀಸ್‌ನ ಕಾರಣಗಳು, ಲಕ್ಷಣಗಳು, ತಡೆಗಟ್ಟುವಿಕೆ ಮತ್ತು ಚಿಕಿತ್ಸೆಯ ಬಗ್ಗೆ ವಿವರವಾಗಿ ತಿಳಿಯೋಣ.

    ರೇಬೀಸ್ ಎಂದರೇನು ಮತ್ತು ಇದು ಹೇಗೆ ಹರಡುತ್ತದೆ?

    ರೇಬೀಸ್ ಎಂಬುದು ಲೈಸಾವೈರಸ್‌ನಿಂದ (Lyssavirus) ಉಂಟಾಗುವ ರೋಗವಾಗಿದ್ದು, ಇದು ಸೋಂಕಿತ ಪ್ರಾಣಿಗಳ ಲಾಲಾರಸದಲ್ಲಿ ಕಂಡುಬರುತ್ತದೆ. ವಿಶ್ವ ಆರೋಗ್ಯ ಸಂಸ್ಥೆ (WHO) ಪ್ರಕಾರ, 99% ಮಾನವ ರೇಬೀಸ್ ಪ್ರಕರಣಗಳು ನಾಯಿ ಕಡಿತದಿಂದ ಉಂಟಾಗುತ್ತವೆ. ಇದು ಬಾವಲಿಗಳು, ನರಿಗಳು, ತೋಳಗಳು, ಕಾಡುನಾಯಿಗಳು, ರಕೂನ್‌ಗಳಂತಹ ಕಾಡು ಪ್ರಾಣಿಗಳಿಂದ ಮತ್ತು ಬೆಕ್ಕು, ಆಕಳು, ಎಮ್ಮೆ, ಮೇಕೆ, ಕುದುರೆಯಂತಹ ಸಾಕು ಪ್ರಾಣಿಗಳಿಂದಲೂ ಹರಡಬಹುದು.

    ರೇಬೀಸ್ ಮಾನವರಿಗೆ ಮೂರು ರೀತಿಯಲ್ಲಿ ಹರಡುತ್ತದೆ:

    1. ಸೋಂಕಿತ ಪ್ರಾಣಿಯ ಕಡಿತ ಅಥವಾ ಗೀರುವಿಕೆಯ ಮೂಲಕ.
    2. ಸೋಂಕಿತ ಲಾಲಾರಸವು ತೆರೆದ ಗಾಯಕ್ಕೆ ಅಥವಾ ಬಾಯಿ, ಮೂಗು, ಕಣ್ಣುಗಳಿಗೆ ಸಂಪರ್ಕಕ್ಕೆ ಬಂದಾಗ.
    3. ಅಪರೂಪದಲ್ಲಿ, ಸೋಂಕಿತ ವ್ಯಕ್ತಿಯ ಸಂಪರ್ಕದಿಂದ.

    ಇತರ ವೈರಸ್‌ಗಳಿಗಿಂತ ಭಿನ್ನವಾಗಿ, ರೇಬೀಸ್ ವೈರಸ್ ನೇರವಾಗಿ ನರಮಂಡಲವನ್ನು ಆಕ್ರಮಿಸಿ, ಕ್ರಮೇಣ ಮೆದುಳಿಗೆ ತಲುಪುತ್ತದೆ. ಈ ಪ್ರಕ್ರಿಯೆ ನಿಧಾನವಾಗಿರುತ್ತದೆ. ನರವಿಜ್ಞಾನಿ ಡಾ. ಸತೀಶ್ ಕುಮಾರ್ ಅವರ ಪ್ರಕಾರ, ಕೈ ಅಥವಾ ಕಾಲಿನ ಕಡಿತದಿಂದ ಮೆದುಳಿಗೆ ತಲುಪಲು ಸಾಮಾನ್ಯವಾಗಿ 14 ದಿನಗಳು ತೆಗೆದುಕೊಳ್ಳುತ್ತದೆ. ಆದರೆ ಕುತ್ತಿಗೆ ಅಥವಾ ಮುಖದಂತಹ ತಲೆಗೆ ಹತ್ತಿರದ ಗಾಯದಿಂದ 4–7 ದಿನಗಳಲ್ಲಿ ತಲುಪಬಹುದು. ಗಾಯದ ಗಾತ್ರ, ವೈರಸ್‌ನ ಪ್ರಮಾಣ ಮತ್ತು ವ್ಯಕ್ತಿಯ ರೋಗನಿರೋಧಕ ಶಕ್ತಿಯ ಮೇಲೆ ಇದು ಅವಲಂಬಿತವಾಗಿರುತ್ತದೆ.

    ರೇಬೀಸ್‌ನ ಲಕ್ಷಣಗಳೇನು?

    ರೇಬೀಸ್ ಲಕ್ಷಣಗಳನ್ನು ಎರಡು ಹಂತಗಳಾಗಿ ವಿಂಗಡಿಸಲಾಗಿದೆ:

    1. ಆರಂಭಿಕ ಲಕ್ಷಣಗಳು: ವೈರಸ್ ದೇಹಕ್ಕೆ ಪ್ರವೇಶಿಸಿದ ಕೆಲವು ದಿನಗಳಲ್ಲಿ ಜ್ವರ, ಆಯಾಸ, ಗಾಯದ ಸ್ಥಳದಲ್ಲಿ ಉರಿಯೂತ, ತುರಿಕೆ ಅಥವಾ ಜುಮ್ಮೆನಿಸುವಿಕೆ ಕಂಡುಬರುತ್ತದೆ.
    2. ತೀವ್ರ ಲಕ್ಷಣಗಳು: ರೋಗಿಯಲ್ಲಿ ನೀರಿನ ಭಯ (ಹೈಡ್ರೋಫೋಬಿಯಾ) ಉಂಟಾಗುತ್ತದೆ, ಕುಡಿಯಲು ಪ್ರಯತ್ನಿಸಿದಾಗ ಗಂಟಲಿನ ಸ್ನಾಯುಗಳು ಸೆಳೆಯುತ್ತವೆ. ಇದರ ಜೊತೆಗೆ ಗಾಳಿ ಮತ್ತು ಬೆಳಕಿನ ಭಯ, ಆತಂಕ, ಗೊಂದಲ, ಅತಿಯಾದ ಲಾಲಾರಸ, ಪಾರ್ಶ್ವವಾಯು ಮತ್ತು ಕೊನೆಯಲ್ಲಿ ಸಾವು ಸಂಭವಿಸುತ್ತದೆ.

    ರೇಬೀಸ್ ರೋಗಿಗಳು ನೀರು ಮತ್ತು ಗಾಳಿಗೆ ಏಕೆ ಭಯಪಡುತ್ತಾರೆ?

    ಡಾ. ಸತೀಶ್ ವಿವರಿಸುವಂತೆ, ರೇಬೀಸ್ ವೈರಸ್ ನರಗಳ ಮೂಲಕ ಮೆದುಳು ಮತ್ತು ಬೆನ್ನುಹುರಿಗೆ ತಲುಪಿ, ಸೆರೆಬ್ರಲ್ ಕಾರ್ಟೆಕ್ಸ್ ಮತ್ತು ಬ್ರೇನ್ ಸ್ಟೆಮ್‌ನಂತಹ ವರ್ತನೆಯನ್ನು ನಿಯಂತ್ರಿಸುವ ಭಾಗಗಳಲ್ಲಿ ಉರಿಯೂತವನ್ನು ಉಂಟುಮಾಡುತ್ತದೆ. ಇದರಿಂದ ಅಸಾಮಾನ್ಯ ಮತ್ತು ಆಕ್ರಮಣಕಾರಿ ವರ್ತನೆ ಕಂಡುಬರುತ್ತದೆ. ವೈರಸ್ ಬೆನ್ನುಹುರಿ ಮತ್ತು ಮೆದುಳಿನ ಕೆಳಭಾಗವನ್ನು ಆಕ್ರಮಿಸಿದಾಗ, ನುಂಗುವಿಕೆ ಮತ್ತು ಉಸಿರಾಟದ ನಿಯಂತ್ರಣದ ಮೇಲೆ ಪರಿಣಾಮ ಬೀರುತ್ತದೆ. ನೀರು ಕುಡಿಯಲು ಅಥವಾ ಉಸಿರಾಡಲು ಪ್ರಯತ್ನಿಸಿದಾಗ ಗಂಟಲಿನ ಸ್ನಾಯುಗಳು ಸೆಳೆಯುವುದರಿಂದ ಮಾನಸಿಕ ಭಯ ಉಂಟಾಗುತ್ತದೆ, ಇದು ನೀರು ಅಥವಾ ಗಾಳಿಯಿಂದಲೂ ರೋಗಿಗಳನ್ನು ಆತಂಕಗೊಳಿಸುತ್ತದೆ.

    ಲಕ್ಷಣಗಳು ಕಾಣಿಸಿಕೊಂಡ ಬಳಿಕ ರೇಬೀಸ್‌ಗೆ ಚಿಕಿತ್ಸೆ ಸಾಧ್ಯವೇ?

    ಇಲ್ಲ. ಡಾ. ಸತೀಶ್ ಪ್ರಕಾರ, ಲಕ್ಷಣಗಳು ಕಾಣಿಸಿಕೊಂಡ ಬಳಿಕ ರೇಬೀಸ್ ಶೇಕಡಾ 100ರಷ್ಟು ಮಾರಣಾಂತಿಕವಾಗಿದ್ದು, ಯಾವುದೇ ಚಿಕಿತ್ಸೆ ಇಲ್ಲ. ಕೇವಲ ಲಕ್ಷಣಗಳನ್ನು ನಿರ್ವಹಿಸಬಹುದು. ವಿಶ್ವ ಆರೋಗ್ಯ ಸಂಸ್ಥೆಯ ವರದಿಯಂತೆ, ವಿಶ್ವದಾದ್ಯಂತ ವಾರ್ಷಿಕವಾಗಿ 55,000 ರೇಬೀಸ್ ಸಾವುಗಳು ಸಂಭವಿಸುತ್ತವೆ, ಇದರಲ್ಲಿ ಭಾರತದಲ್ಲಿ 18,000–20,000 ಸಾವುಗಳು, ಅದರಲ್ಲಿ 60% 15 ವರ್ಷದೊಳಗಿನ ಮಕ್ಕಳದ್ದಾಗಿರುತ್ತದೆ.

    ನಾಯಿ ಕಡಿತದ ಬಳಿಕ ಏನು ಮಾಡಬೇಕು?

    ರೇಬೀಸ್‌ಗೆ ಚಿಕಿತ್ಸೆ ಇಲ್ಲದ ಕಾರಣ, ತಡೆಗಟ್ಟುವಿಕೆಯೇ ಏಕೈಕ ಮಾರ್ಗವಾಗಿದೆ. WHO ರೇಬೀಸ್ ಸಂಪರ್ಕವನ್ನು ಮೂರು ವಿಭಾಗಗಳಾಗಿ ವರ್ಗೀಕರಿಸಿದೆ:

    1. ಸ್ಪರ್ಶ ಅಥವಾ ನೆಕ್ಕುವಿಕೆ: ಒಂದು ವೇಳೆ ನಾಯಿ ನಿಮ್ಮನ್ನು ನೆಕ್ಕಿದರೆ ಅಥವಾ ಸ್ಪರ್ಶಿಸಿದರೆ ಮತ್ತು ಚರ್ಮದ ಮೇಲೆ ಯಾವುದೇ ಗಾಯವಿಲ್ಲದಿದ್ದರೆ, ಯಾವುದೇ ಚಿಕಿತ್ಸೆಯ ಅಗತ್ಯವಿಲ್ಲ.
    2. ಸಣ್ಣ ಗೀರು: ರಕ್ತಸ್ರಾವವಿಲ್ಲದ ಗೀರು ಉಂಟಾದರೂ, ರೇಬೀಸ್ ಲಸಿಕೆಯ ಸಂಪೂರ್ಣ ಕೋರ್ಸ್ ತೆಗೆದುಕೊಳ್ಳಬೇಕು.
    3. ರಕ್ತಸ್ರಾವದ ಕಡಿತ: ರಕ್ತಸ್ರಾವದ ಗಾಯವಿದ್ದರೆ, ರೇಬೀಸ್ ಲಸಿಕೆಯ ಜೊತೆಗೆ ರೇಬೀಸ್ ಇಮ್ಯುನೊಗ್ಲಾಬ್ಯುಲಿನ್ (RIG) ಚುಚ್ಚುಮದ್ದನ್ನು ಗಾಯದ ಸುತ್ತ ಅಥವಾ ಒಳಗೆ ಚುಚ್ಚಬೇಕು.

    ರೇಬೀಸ್ ಲಸಿಕೆಯನ್ನು ಕಡಿತಕ್ಕೆ ಮೊದಲೇ ಏಕೆ ನೀಡಲಾಗುವುದಿಲ್ಲ?

    ಡಾ. ಸತೀಶ್ ಪ್ರಕಾರ, ರೇಬೀಸ್ ಸೋಂಕು ಅಪರೂಪವಾಗಿರುವುದರಿಂದ ಮತ್ತು ಇದರ ರೋಗಾವಧಿ (ಇನ್ಕ್ಯುಬೇಶನ್ ಪಿರಿಯಡ್) ದಿನಗಳಿಂದ ತಿಂಗಳುಗಳವರೆಗೆ ಇರುವುದರಿಂದ, ಕಡಿತದ ಬಳಿಕ ತಕ್ಷಣ ಲಸಿಕೆಯನ್ನು ಆರಂಭಿಸಿದರೆ ವೈರಸ್ ಮೆದುಳಿಗೆ ತಲುಪುವುದನ್ನು ತಡೆಯಬಹುದು. ಇದನ್ನು ಪೋಸ್ಟ್-ಎಕ್ಸ್‌ಪೋಶರ್ ಪ್ರೊಫಿಲಾಕ್ಸಿಸ್ (PEP) ಎಂದು ಕರೆಯಲಾಗುತ್ತದೆ.

    ರೇಬೀಸ್ ಲಸಿಕೆಯನ್ನು ಯಾವಾಗ ಮತ್ತು ಹೇಗೆ ನೀಡಲಾಗುತ್ತದೆ?

    ರೇಬೀಸ್ ಲಸಿಕೆಯನ್ನು ಎರಡು ರೀತಿಯಲ್ಲಿ ನೀಡಲಾಗುತ್ತದೆ:

    1. ಇಂಟ್ರಾಮಸ್ಕುಲರ್ (IM): ಭುಜದ ಸ್ನಾಯುವಿಗೆ 5 ಡೋಸ್‌ಗಳು – ಕಡಿತದ 24 ಗಂಟೆಗಳ ಒಳಗೆ ಮೊದಲ ಡೋಸ್, ನಂತರ 3, 7, 14 ಮತ್ತು 28ನೇ ದಿನಗಳಲ್ಲಿ. ಸಂಪೂರ್ಣ ಕೋರ್ಸ್ ಅಗತ್ಯ.
    2. ಇಂಟ್ರಾಡರ್ಮಲ್ (ID): ಚರ್ಮದ ಒಳಪದರಕ್ಕೆ 4 ಡೋಸ್‌ಗಳು – 0, 3, 7 ಮತ್ತು 28ನೇ ದಿನಗಳಲ್ಲಿ.

    ಡಾ. ಸತೀಶ್ ಪ್ರಕಾರ, IM ವಿಧಾನವು ಹೆಚ್ಚು ಪರಿಣಾಮಕಾರಿಯಾಗಿದೆ. ವಿಭಾಗ 3ರ ಸಂದರ್ಭದಲ್ಲಿ RIG ಚುಚ್ಚುಮದ್ದನ್ನು ಗಾಯದ ಒಳಗೆ ಮತ್ತು ಸುತ್ತಲೂ ನೀಡಲಾಗುತ್ತದೆ.

    ಸಾಕು ನಾಯಿಯ ಕಡಿತದಲ್ಲಿಯೂ ರೇಬೀಸ್ ಲಸಿಕೆ ತೆಗೆದುಕೊಳ್ಳಬೇಕೇ?

    ಹೌದು. ಸಣ್ಣ ಗೀರು ಅಥವಾ ಕಾಲಿನಿಂದ ಸ್ಪರ್ಶವಾದರೂ ಲಾಲಾರಸದ ಮೂಲಕ ವೈರಸ್ ಹರಡಬಹುದು. ರೇಬೀಸ್ ವೈರಸ್ ಸೂಕ್ಷ್ಮವಾಗಿದ್ದು, ರಕ್ತಸ್ರಾವವಿಲ್ಲದಿದ್ದರೂ ಇರಬಹುದು. ಲಸಿಕೆ ಸುರಕ್ಷಿತವಾಗಿದ್ದು, ಯಾವುದೇ ಅಪಾಯವಿದ್ದರೆ ತೆಗೆದುಕೊಳ್ಳಬೇಕು; ಗೃಹ ಚಿಕಿತ್ಸೆಗಳನ್ನು ಅವಲಂಬಿಸಬಾರದು.

    ಲಸಿಕೆ ಪಡೆದ ಸಾಕು ನಾಯಿ ಕಡಿದರೆ ಏನು ಮಾಡಬೇಕು?

    ನಾಯಿ ಕಡಿದ 10 ದಿನಗಳವರೆಗೆ ಆರೋಗ್ಯವಾಗಿದ್ದರೆ, ಅದಕ್ಕೆ ರೇಬೀಸ್ ಇಲ್ಲ ಎಂದು ಭಾವಿಸಬಹುದು. ಆದರೆ, ಗಮನಿಸುವಿಕೆ ಸದಾ ಸಾಧ್ಯವಿಲ್ಲದ ಕಾರಣ, ನಾಯಿಯ ಲಸಿಕೆ ಸ್ಥಿತಿಯನ್ನು ಲೆಕ್ಕಿಸದೆ, ರೇಬೀಸ್ ಲಸಿಕೆಯ ಸಂಪೂರ್ಣ ಕೋರ್ಸ್ ತೆಗೆದುಕೊಳ್ಳುವುದು ಅಗತ್ಯ.

  • ನಕಲಿ ಆಧಾರ್  ಕಾರ್ಡ್ ಬಳಸಿದ ಇಬ್ಬರ ವಿರುದ್ದ ಕೇಸ್

    ಭಟ್ಕಳ, ಜುಲೈ 6, 2025 : ಪ್ರಕರಣವೊಂದಕ್ಕೆ ಸಂಬಂಧಿಸಿದಂತೆ ಆರೋಪಿಗಳಿಗೆ ನಕಲಿ ಆಧಾರ್ ಕಾರ್ಡ್‌ನೊಂದಿಗೆ ಜಾಮೀನು ಕೊಡಲು ಬಂದ ಇಬ್ಬರ ವಿರುದ್ದ ಇಲ್ಲಿನ ಶಹರ ಠಾಣೆ ಪೊಲೀಸರು ಬುಧವಾರ ಪ್ರಕರಣ ದಾಖಲಿಸಿದ್ದಾರೆ.

    ದರೋಡೆ ಆರೋಪ ಮೇಲೆ ಭಟ್ಕಳ ಗ್ರಾಮೀಣ ಠಾಣೆಯ ಠಾಣೆಯಲ್ಲಿ ಗರುಡಾ ಗ್ಯಾಂಗ್‌ನ ಸದಸ್ಯರ ವಿರುದ್ಧ ಪ್ರಕರಣ ದಾಖಲಾಗಿತ್ತು. ಇದಕ್ಕೆ ಸಂಬಂಧಿಸಿದಂತೆ ಆರೋಪಿಗಳಿಗೆ ಇಲ್ಲಿನ ಹೆಚ್ಚುವರಿ ಸಿವಿಲ್ ನ್ಯಾಯಾಲಯ ಹಾಗೂ ಜೆಎಂಎಫ್‌ ನ್ಯಾಯಾಲಯದಿಂದ ಜಾಮೀನು ಕೊಡಲು ದಕ್ಷಿಣ ಕನ್ನಡ ಜಿಲ್ಲೆಯ ಉಳ್ಳಾಲದ ಸೋಮ ಶೆಟ್ಟಿ ಕೋಟಿ ಶೆಟ್ಟಿ ಹಾಗೂ ಬೆಳ್ತಂಗಡಿಯ ವಾಸು ಸಪಲ್ಯ ಅಣ್ಣಪ್ಪ ಸಪಲ್ಯ ಎಂಬುವರು ಬಂದಿದ್ದರು. ಇವರು ಜಾಮೀನಿಗಾಗಿ ಲಗತ್ತಿಸಿದ ಆಧಾರ್ ಕಾರ್ಡ್ ಹೆಚ್ಚುವರಿ ಸಿವಿಲ್‌ ನ್ಯಾಯಾಲಯ ಮತ್ತು ಜೆಎಂಎಫ್‌ಸಿ ಪ್ಯೂರಿಟಿ ಮ್ಯಾನೇಜ್‌ಮೆಂಟ್ ಸಿಸ್ಟಮ್‌ನಿಂದ ಪರಿಶೀಲಿಸುತ್ತಿರುವಾಗ ಓಡಿ ಹೋಗಿದ್ದಾರೆ. ಅವು ನಕಲಿ ಆಧಾರ್ ಕಾರ್ಡ್ ಆಗಿದ್ದವು ಎಂಬುದು ತಿಳಿದು ಬಂದಿದೆ. ಈ  ಕುರಿತು ಚೇತನ ಚಂದಾವರಕರ್ ಎಂಬುವರು ಪೊಲೀಸರಿಗೆ ದೂರು ನೀಡಿದ್ದು, ತನಿಖೆ ಮುಂದುವರಿದಿದೆ.

  • ಮಲ್ಪೆ: ಕೋಳಿಅಂಕಕ್ಕೆ ಪೊಲೀಸರ ದಾಳಿ, ಒಬ್ಬನ ಬಂಧನ, ಆರು ಮಂದಿ ಪರಾರಿ

    ಮಲ್ಪೆ, ಜೂನ್ 30, 2025: ಮೂಡುತೋನ್ಸೆ ಗ್ರಾಮದ ಕಲ್ಯಾಣಪುರ ಮೂಡುಬೆಟ್ಟು ಎಂಬಲ್ಲಿ ಸಾರ್ವಜನಿಕ ಸ್ಥಳದಲ್ಲಿ ಅಕ್ರಮವಾಗಿ ಹಣವನ್ನು ಪಣವಾಗಿರಿಸಿ ಕೋಳಿಅಂಕ ನಡೆಸುತ್ತಿರುವ ಬಗ್ಗೆ ಮಲ್ಪೆ ಪೊಲೀಸ್ ಠಾಣೆಯ ಉಪನಿರೀಕ್ಷಕ ಅನಿಲ್ ಕುಮಾರ್ ಡಿ. ಅವರಿಗೆ ದೊರೆತ ಖಚಿತ ಮಾಹಿತಿಯ ಮೇರೆಗೆ ದಿನಾಂಕ 29/06/2025 ರಂದು ದಾಳಿ ನಡೆಸಲಾಗಿದೆ.

    ದಾಳಿಯ ಸಂದರ್ಭದಲ್ಲಿ ಕೆಲವರು ಸ್ಥಳದಿಂದ ಪರಾರಿಯಾಗಿದ್ದು, ಒಬ್ಬ ವ್ಯಕ್ತಿಯನ್ನು ವಶಕ್ಕೆ ಪಡೆದು ವಿಚಾರಣೆ ನಡೆಸಿದಾಗ, ಆತ ತನ್ನ ಹೆಸರು ಸುದೀಪ್ ಎಂದು ತಿಳಿಸಿದ್ದಾನೆ. ಪರಾರಿಯಾದವರ ಬಗ್ಗೆ ವಿಚಾರಿಸಿದಾಗ, 1) ಉದಯ ಕೆಮ್ಮಣ್ಣು, 2) ಮಂಜುನಾಥ ಗರಡಿಮಜಲು, 3) ಕಾರ್ತಿಕ್ ಕೊಡವೂರು, 4) ಸುಕೇತ್ ಗರಡಿಮಜಲು, 5) ಸಂದೇಶ ಲಕ್ಷ್ಮೀನಗರ, 6) ಸುಜಿತ್ ಮೂಳೂರು ಎಂದು ಗುರುತಿಸಲಾಗಿದೆ.

    ಪೊಲೀಸರು ಸ್ಥಳದಿಂದ ಕೋಳಿಯ ಕಾಲಿಗೆ ಕಟ್ಟಿದ ಬಾಳು (ಕತ್ತಿ), 860 ರೂಪಾಯಿ ನಗದು, ಒಂದು ಜೀವಂತ ಹುಂಜ ಕೋಳಿ ಹಾಗೂ ನಾಲ್ಕು ದ್ವಿಚಕ್ರ ವಾಹನಗಳನ್ನು ವಶಪಡಿಸಿಕೊಂಡಿದ್ದಾರೆ.

    ಈ ಸಂಬಂಧ ಮಲ್ಪೆ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 77/2025ರ ಅಡಿಯಲ್ಲಿ ಕಲಂ 112 BNS, ಕಲಂ 87, 93 ಕೆಪಿ ಆಕ್ಟ್ ಮತ್ತು 11(1)(A) ಪ್ರಾಣಿ ಹಿಂಸೆ ಕಾಯಿದೆಯಂತೆ ಪ್ರಕರಣ ದಾಖಲಾಗಿದೆ. ತನಿಖೆ ಮುಂದುವರಿದಿದೆ.

  • Manipal : Son arrested for Allegedly Strangling Mother to Death

    Manipal, June 22 : A post -mortem examination has come to light in the murder of a son who strangled and murdered his mother for money, and Manipal police have arrested the accused.

    The deceased have been identified as Padmabai (45). The deceased’s son Isha Nayak (26) is accused of murder.

    On the night of June 18, Padmabai was admitted to the Udupi District Government Hospital for treatment. That night, Isha Nayak called Padmabai’s sister Shilpa and told her mother to send money to the hospital. Shilpa had sent money online. On the morning of June 19, Esha called Shilpa and told her that her mother had died in the district of Udupi in the morning.

    When Shilpa came to the hospital, she saw that Padmabai’s neck was red and her neck was pressed. A case of suspicious death has been registered at the Manipal police station. A post-mortem was conducted at the mortuary of Manipal Hospital.

    On June 21, a doctor of the Hospital Forensic Medicine Department gave a preliminary report on the death of the deceased Padmabai. It was confirmed that Padmabai was murdered by someone by the perpetrators of June 18 and morning.

    Accordingly, the Manipal police registered a case. In a subsequent investigation, it is learned that Padmabai was murdered by his son Isha Nayak for money and family strife.

    It is learned that the police arrested Isha Nayak and produced him before the court.

  • ಉಡುಪಿ ಬಿಜೆಪಿ ಯುವ ಮೋರ್ಚಾ ಉಪಾಧ್ಯಕ್ಷನ ಆಡಿಯೋ ವೈರಲ್; ಸುಮೋಟೋ ಪ್ರಕರಣ ದಾಖಲಿಸಿ ಬಂಧಿಸಿ, ಇಲ್ಲವಾದಲ್ಲಿ ಬೃಹತ್ ಪ್ರತಿಭಟನೆ : ಸೂರಜ್ ಶೆಟ್ಟಿ ನಕ್ರೆ ಆಗ್ರಹ

    ಜನಪ್ರತಿನಿಧಿ (ಕಾರ್ಕಳ) : ಕಾರ್ಕಳದ ಬಿಜೆಪಿ ಜಿಲ್ಲಾ ಯುವ ಮೋರ್ಚಾ ಉಪಾಧ್ಯಕ್ಷ ಸುಹಾಸ್ ಶೆಟ್ಟಿ ವಿದ್ಯಾರ್ಥಿನಿಯೊಂದಿಗೆ ಅಸಭ್ಯವಾಗಿ ಮಾತನಾಡಿದ ಆಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್‌ ಆಗುತ್ತಿದ್ದು ಇದೊಂದು ಅಘಾತಕಾರಿ ಬೆಳವಣಿಗೆಯಾಗಿದೆ, ಪೋಲಿಸ್ ಇಲಾಖೆ ತಕ್ಷಣ ಈತನ ಮೇಲೆ  ಸುಮೋಟೋ ಕೇಸು ದಾಖಲಿಸಿ ತನಿಖೆ ನಡೆಸಬೇಕೆಂದು ಯುವ ಕಾಂಗ್ರೆಸ್ ಆಗ್ರಹಿಸುತ್ತದೆ ಎಂದು ಕಾರ್ಕಳ ವಿಧಾನಸಭಾ ಕ್ಷೇತ್ರದ ಯುವ ಕಾಂಗ್ರೆಸ್ ಅಧ್ಯಕ್ಷರಾದ ಸೂರಜ್ ಶೆಟ್ಟಿ ನಕ್ರೆ ಆಗ್ರಹಿಸಿದ್ದಾರೆ.

    ಬಿಜೆಪಿ ಯುವ ಮೋರ್ಚಾ ಜಿಲ್ಲಾ ಉಪಾಧ್ಯಕ್ಷನಾಗಿದ್ದು ಕಾರ್ಕಳದ ಪ್ರತಿಷ್ಠಿತ ಕಾಲೇಜೊಂದರಲ್ಲಿ  ಉಪನ್ಯಾಸಕನಾಗಿರುವ ಸುಹಾಸ್ ಶೆಟ್ಟಿ,  ವಿದ್ಯಾರ್ಥಿನಿಯೊಂದಿಗೆ ಅಸಭ್ಯವಾಗಿ ಮಾತನಾಡಿ ತಾನು ಹೇಳಿದ ಜಾಗಕ್ಕೆ ಬಾ ಎನ್ನುತ್ತಾ ತನ್ನೊಂದಿಗೆ ಸಹಕರಿಸುವಂತೆ ಪೀಡಿಸಿ ಮಾತನಾಡಿದ ಆಡಿಯೊ ವೈರಲ್ ಆಗುತ್ತಿರುವುದು ಸಭ್ಯ ನಾಗರಿಕರು ತಲೆ ತಗ್ಗಿಸುವಂತಾಗಿದೆ. ವಿದ್ಯಾರ್ಥಿನಿಯರ ಸುರಕ್ಷತೆಯ ದೃಷ್ಟಿಯಿಂದ ಈ ವ್ಯಕ್ತಿಯನ್ನು ಕಾಲೇಜಿನ ಆಡಳಿತ ಮಂಡಳಿ ತಕ್ಷಣ ಈತನ ಉಪನ್ಯಾಸಕ ಹುದ್ದೆಯಿಂದ ವಜಾಗೊಳಿಸಬೇಕು ಹಾಗೂ ಉಡುಪಿ ಜಿಲ್ಲಾ ಬಿಜೆಪಿ ಇಂತಾ ಹೆಣ್ಣುಬಾಕ ವ್ಯಕ್ತಿಯನ್ನು ಹುದ್ದೆಯಿಂದ ಮತ್ತು ಪಕ್ಷದಿಂದ ಉಚ್ಚಾಟಿಸಿ ತನ್ನ ಸಾರ್ವಜನಿಕ ಹಿತಾಸಕ್ತಿಯನ್ನು ಕಾಪಾಡಬೇಕು ಎಂದು ಯುವ ಕಾಂಗ್ರೆಸ್ ಒತ್ತಾಯಿಸುತ್ತದೆ ಎಂದವರು ಹೇಳಿದ್ದಾರೆ.

    ವಿದ್ಯಾರ್ಥಿನಿಯರೊಂದಿಗೆ ಈತನ ವರ್ತನೆ ಅಘಾತಕಾರಿಯಾಗಿದೆ, ಕಾರ್ಕಳದಲ್ಲಿ ಇಷ್ಟರವರೆಗೆ ಶಿಕ್ಷಕರು ಈ ರೀತಿಯ ವರ್ತನೆ ತೋರಿದ ಇತಿಹಾಸವಿಲ್ಲ, ಈತನ ವರ್ತನೆಯಿಂದ ಶಿಕ್ಷಕ ವರ್ಗಕ್ಕೂ ಕಳಂಕವಾಗಿದೆ. ಈ ಹಿಂದೆಯೂ ಈತ ಇಂತದ್ದೇ  ಅಸಭ್ಯ ಚಟುವಟಿಕೆ ನಡೆಸಿದ ಕಾರಣಕ್ಕೆ ಕಾರ್ಕಳದ ಪ್ರತಿಷ್ಠಿತ ಕಾಲೇಜಿನ ಉದ್ಯೋಗದಿಂದ ವಜಾಗೊಂಡಿದ್ದ.  ಹೆಣ್ಣುಮಕ್ಕಳಿಗೆ, ವಿದ್ಯಾರ್ಥಿನಿಯರಿಗೆ ಪೀಡಿಸುವ ಈತನ ಆಡಿಯೊದಿಂದ ಹೆತ್ತವರು ಮತ್ತು ವಿದ್ಯಾರ್ಥಿನಿಯರು ಆತಂಕಕ್ಕೆ ಒಳಗಾಗಿದ್ದು ಈ ರೀತಿಯ  ಅನಾಚಾರದ ಕೆಲಸ ಮಾಡುವ ವ್ಯಕ್ತಿಯನ್ನು  ಬಿಜೆಪಿ ಇನ್ನೂ ಪಕ್ಷದ ಹುದ್ದೆಯಲ್ಲಿ ಮುಂದುವರಿಸಿರುವುದು ಶೋಭೆಯಲ್ಲ,  ಬಿಜೆಪಿಯ ನಾಯಕರು ಇನ್ನಾದರೂ ಎಚ್ವೆತ್ತು ಈತನನ್ನು ಪಕ್ಷದಿಂದ ವಜಾ ಮಾಡಬೇಕು ಮತ್ತು ಸಂಭಂದಪಟ್ಟ ಕಾಲೇಜಿನ ಆಡಳಿತ ಮಂಡಳಿ ಈತನನ್ನು ಉದ್ಯೋಗದಿಂದ ವಜಾ ಮಾಡಬೇಕು ಮತ್ತು ಪೋಲಿಸ್ ಇಲಾಖೆ ಈತನ ವಿರುದ್ದ ಸುಮೋಟೋ ಕೇಸು ದಾಖಲಿಸಿ ಈತನನ್ನು ಬಂಧಿಸಿ ತನಿಖೆ ನಡೆಸಬೇಕು. ಇಂತಾ ಗೋಮುಖ ವ್ಯಾಘ್ರ ಸ್ತ್ರೀ ಪೀಡಕರನ್ನು ಕಾನೂನಿನ ಕುಣಿಕೆಗೆ ಒಪ್ಪಿಸದಿದ್ದರೆ ಹೆಣ್ಣುಮಕ್ಕಳಿಗೆ, ವಿದ್ಯಾರ್ಥಿನಿಯರಿಗೆ ಅಪಾಯವಿದೆ, ಹಾಗಾಗಿ ಈತನ ವಿರುದ್ದ ಪೋಲಿಸ್ ಇಲಾಖೆ ತಕ್ಷಣ ಕೇಸು ದಾಖಲಿಸಿ ಬಂಧನ ಮಾಡಬೇಕು ತಪ್ಪಿದಲ್ಲಿ ಯುವ ಕಾಂಗ್ರೆಸ್ ನೇತೃತ್ವದಲ್ಲಿ ಬೃಹತ್ ಪ್ರತಿಭಟನೆ ನಡೆಸಬೇಕಾಗುತ್ತದೆ ಎಂದು ಕಾರ್ಕಳ ಯುವ ಕಾಂಗ್ರೆಸ್ ಅಧ್ಯಕ್ಷರಾದ  ಸೂರಜ್ ಶೆಟ್ಟಿ ನಕ್ರೆ ಒತ್ತಾಯಿಸಿದ್ದಾರೆ.

    ಬಿಜೆಪಿ ಜಿಲ್ಲಾ ಯುವಮೋರ್ಚಾ ಉಪಾಧ್ಯಕ್ಷ, ಕಾರ್ಕಳ ವಿಧಾನಸಭಾ ಕ್ಷೇತ್ರದ ಶಾಸಕ ಸುನೀಲ್ ಕುಮಾರ್ ಅವರ ಆಪ್ತ ಎಂದು ಹೇಳಲಾಗುತ್ತಿರುವ ಸುಹಾಸ್ ಶೆಟ್ಟಿ, ವಿದ್ಯಾರ್ಥಿಯೋರ್ವಳೊಂದಿಗೆ ಫೋನ್ ಸಂಭಾಷಣೆಯಲ್ಲಿ ಅಶ್ಲೀಲವಾಗಿ ಮಾತನಾಡಿದ್ದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಸಾರ್ವಜನಿಕ ವಲಯದಲ್ಲಿ ಭಾರಿ ಆಕ್ರೋಶ ಕೇಳಿ ಬರುತ್ತಿದೆ.