Timeline India

Tag: State

  • ಪುಸ್ತಕ ಬಹುಮಾನಕ್ಕೆ ಕೃತಿಗಳ ಆಹ್ವಾನ

    ಉಡುಪಿ, ಜೂನ್ 05, 2025 : ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ವತಿಯಿಂದ 2024 ನೇ ಸಾಲಿನಲ್ಲಿ ಪ್ರಥಮ ಮುದ್ರಣವಾಗಿ ಪ್ರಕಟಗೊಂಡಿರುವ ಸಾಹಿತ್ಯದ ವಿವಿಧ ಪ್ರಕಾರಗಳ ಕೃತಿಗಳನ್ನು ಬಹುಮಾನಕ್ಕಾಗಿ ಆಹ್ವಾನಿಸಲಾಗಿದೆ.

    ಲೇಖಕರು, ಪ್ರಕಾಶಕರು ಹಾಗೂ ಸಾಹಿತ್ಯಾಸಕ್ತ ಸಾರ್ವಜನಿಕರು ಬಹುಮಾನಕ್ಕಾಗಿ ಪುಸ್ತಕದ ನಾಲ್ಕು ಪ್ರತಿಗಳನ್ನು ರಿಜಿಸ್ಟ್ರಾರ್, ಕರ್ನಾಟಕ ಸಾಹಿತ್ಯ ಅಕಾಡೆಮಿ, ಕನ್ನಡ ಭವನ, ಜೆ.ಸಿ ರಸ್ತೆ, ಬೆಂಗಳೂರು ವಿಳಾಸಕ್ಕೆ ರಿಜಿಸ್ಟರ್ಡ್ ಅಂಚೆ / ಕೊರಿಯರ್ ಮೂಲಕ ಅಥವಾ ಖುದ್ದಾಗಿ ಜುಲೈ 15 ರ ಒಳಗಾಗಿ ತಲುಪಿಸಬಹುದಾಗಿದೆ. 

    ಹೆಚ್ಚಿನ ಮಾಹಿತಿಗಾಗಿ ಅಕಾಡೆಮಿಯ ವೆಬ್ಸೈಟ್ https://www.sahithyaacademy.karnataka.gov.in/ ಅನ್ನು ಸಂಪರ್ಕಿಸಬಹುದಾಗಿದೆ ಎಂದು ಅಕಾಡೆಮಿಯ ರಿಜಿಸ್ಟ್ರಾರ್ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

  • ಮಂಗಳೂರು: ಟಿಂಟೆಡ್ ಗ್ಲಾಸ್‌ ಅಳವಡಿಸಿದ ಕಾರುಗಳ ವಿರುದ್ಧ ವಿಶೇಷ ಕಾರ್ಯಾಚರಣೆ

    ಮಂಗಳೂರು: ಅಪರಾಧ ತಡೆಗಟ್ಟುವ ಉದ್ದೇಶದಿಂದ ಹಾಗೂ ಮೋಟಾರು ವಾಹನ ಕಾಯ್ದೆಯ ಸಂಚಾರ ನಿಯಮ ಉಲ್ಲಂಘನೆಗಳನ್ನು ತಡೆಯಲು ಮಂಗಳೂರು ನಗರ ಪೊಲೀಸ್ ಕಮಿಷನರೇಟ್ ವ್ಯಾಪ್ತಿಯಲ್ಲಿ ವಿಶೇಷ ಕಾರ್ಯಾಚರಣೆ ನಡೆಸಲಾಗಿದೆ. ದಿನಾಂಕ 02-08-2028 ಮತ್ತು 05-08-2028 ರಂದು ನಗರದ ಸಂಚಾರಿ ಪೊಲೀಸ್‌ ಮತ್ತು ಕಾನೂನು ಸುವ್ಯವಸ್ಥೆ ಪೊಲೀಸ್ ಠಾಣೆಯವರು ಜಂಟಿಯಾಗಿ ಕಾರ್ಯಾಚರಣೆ ನಡೆಸಿ, ಕಾರುಗಳ ಗಾಜುಗಳಲ್ಲಿ ಬ್ಲಾಕ್ ಫಿಲ್ಮ್ (ಸನ್ ಫಿಲ್ಮ್) ಅಥವಾ ಟಿಂಟೆಡ್ ಗ್ಲಾಸ್‌ ಅಳವಡಿಸಿ ಸಂಚರಿಸುವ ವಾಹನಗಳ ವಿರುದ್ಧ ಕ್ರಮ ಕೈಗೊಂಡಿದ್ದಾರೆ.

    ಈ ಕಾರ್ಯಾಚರಣೆಯಲ್ಲಿ ಒಟ್ಟು 2,293 ಪ್ರಕರಣಗಳನ್ನು ದಾಖಲಿಸಲಾಗಿದ್ದು, ರೂ. 11,58,000/- ದಂಡವನ್ನು ವಿಧಿಸಲಾಗಿದೆ. ಅಲ್ಲದೆ, 22 ಕಾರುಗಳಿಗೆ ಅಳವಡಿಸಲಾಗಿದ್ದ ಟಿಂಟೆಡ್ ಗ್ಲಾಸ್‌ ಮತ್ತು ಬ್ಲಾಕ್ ಫಿಲ್ಮ್ ಸ್ಟಿಕರ್‌ಗಳನ್ನು ಚಾಲಕರಿಂದ ತೆಗೆಸಿ, ಸೂಕ್ತ ಕ್ರಮ ಕೈಗೊಳ್ಳಲಾಗಿದೆ. ಚಾಲಕರಿಗೆ ಈ ಕುರಿತು ತಿಳುವಳಿಕೆಯನ್ನೂ ನೀಡಲಾಗಿದೆ.

    ಇದೇ ರೀತಿಯಾಗಿ, ದಿನಾಂಕ 03-08-2028 ರಂದು ಪೊಲೀಸ್ ಆಯುಕ್ತರ ಕಚೇರಿಯ ಸಭಾಂಗಣದಲ್ಲಿ ಹಾಗೂ ವಿವಿಧ ಪೊಲೀಸ್ ಠಾಣೆಗಳಲ್ಲಿ, ಮಂಗಳೂರು ನಗರ ಕಮಿಷನರೇಟ್ ವ್ಯಾಪ್ತಿಯ ಕಾರು ಶೋರೂಮ್‌, ಆಕ್ಸೆಸರೀಸ್ ಶಾಪ್‌, ಗ್ಯಾರೇಜ್‌, ಮತ್ತು ಸ್ಟಿಕರ್ ಅಂಗಡಿಗಳ ಮಾಲೀಕರ ಸಭೆ ಆಯೋಜಿಸಲಾಗಿತ್ತು. ಈ ಸಭೆಯಲ್ಲಿ, ಸರ್ವೋಚ್ಚ ನ್ಯಾಯಾಲಯದ ಆದೇಶದಂತೆ, ಅಪರಾಧಿಗಳು ಟಿಂಟೆಡ್ ಗಾಜುಗಳಿರುವ ವಾಹನಗಳನ್ನು ದುರ್ಬಳಕೆ ಮಾಡಿಕೊಳ್ಳುವ ಸಾಧ್ಯತೆ ಇರುವುದರಿಂದ, ಗಿರಾಕಿಗಳ ವಾಹನಗಳಿಗೆ ಟಿಂಟೆಡ್ ಗಾಜುಗಳನ್ನು ಅಳವಡಿಸದಂತೆ ಸೂಚನೆ ನೀಡಲಾಗಿದೆ.

    ಈ ವಿಶೇಷ ಕಾರ್ಯಾಚರಣೆಯು ಮುಂದಿನ ದಿನಗಳಲ್ಲಿಯೂ ಮುಂದುವರಿಯಲಿದೆ ಎಂದು ಪೊಲೀಸ್ ಇಲಾಖೆ ತಿಳಿಸಿದೆ.

  • ಉಡುಪಿ: ಮಟ್ಕಾ ಜುಗಾರಿ ಜಾಲದ ಮೇಲೆ ಪೊಲೀಸ್ ದಾಳಿ; ಎಂಟು ಪ್ರಕರಣಗಳು ದಾಖಲು, ಹಲವರು ವಶಕ್ಕೆ

    ಉಡುಪಿ, ಜೂನ್ 03, 2025: ಉಡುಪಿ ಜಿಲ್ಲೆಯ ವಿವಿಧೆಡೆ ದಿನಾಂಕ 02/06/2025 ರಂದು ಸಾರ್ವಜನಿಕ ಸ್ಥಳಗಳಲ್ಲಿ ಮಟ್ಕಾ ಜುಗಾರಿ ಆಟವಾಡಿಸಿ ಹಣ ಸಂಗ್ರಹಿಸುತ್ತಿದ್ದ ಆರೋಪಿಗಳ ವಿರುದ್ಧ ಉಡುಪಿ ನಗರ, ಮಣಿಪಾಲ, ಮತ್ತು ಬ್ರಹ್ಮಾವರ ಪೊಲೀಸ್ ಠಾಣೆಗಳಲ್ಲಿ ಒಟ್ಟು ಎಂಟು ಪ್ರಕರಣಗಳು ದಾಖಲಾಗಿವೆ. ಈ ಎಲ್ಲಾ ಘಟನೆಗಳಲ್ಲಿ ಆರೋಪಿಗಳು ಅಂಬಾಗಿಲಿನ ಲಿಯೋ ಕರ್ನಾಲಿಯೋ ಎಂಬಾತನ ಸೂಚನೆಯಂತೆ ಕಮಿಷನ್‌ಗಾಗಿ ಮಟ್ಕಾ ಜುಗಾರಿ ಆಟವಾಡಿಸಿ, ಸಾರ್ವಜನಿಕರಿಂದ ಹಣ ಸಂಗ್ರಹಿಸುತ್ತಿದ್ದರು ಎಂದು ತಿಳಿದುಬಂದಿದೆ.

    ಉಡುಪಿ ನಗರದಲ್ಲಿ ಆರು ಪ್ರಕರಣಗಳು:
    ನಾರಾಯಣ ಬಿ, ಪೊಲೀಸ್ ಉಪನಿರೀಕ್ಷಕರು (ತನಿಖೆ-2), ಉಡುಪಿ ನಗರ ಪೊಲೀಸ್ ಠಾಣೆ, ರೌಂಡ್ಸ್ ಕರ್ತವ್ಯದಲ್ಲಿದ್ದಾಗ, ಉಡುಪಿ ತಾಲೂಕಿನ 76 ಬಡಗುಬೆಟ್ಟು ಗ್ರಾಮದ ಬೀಡಿನಗುಡ್ಡೆ ಜಂಕ್ಷನ್ ಬಳಿಯ ಗೂಡಂಗಡಿಯ ಹತ್ತಿರ ರಾಮರಾಜ್ ಎಂಬಾತ, ಪುತ್ತೂರು ಗ್ರಾಮದ ಆದರ್ಶ ಬೇಕರಿ ಬಳಿ ಜಗದೀಶ್, ಮತ್ತು ಬೆಂಗಳೂರು ಅಯ್ಯಂಗಾರ್ ಬೇಕರಿ ಬಳಿ ಚಿದಾನಂದ ಎಂಬವರು ಮಟ್ಕಾ ಜುಗಾರಿ ಆಟವಾಡಿಸುತ್ತಿರುವುದನ್ನು ಕಂಡು ದಾಳಿ ನಡೆಸಿದ್ದಾರೆ. ಗೋಪಾಲಕೃಷ್ಣ ಜೋಗಿ, ಪೊಲೀಸ್ ಉಪನಿರೀಕ್ಷಕರು (ತನಿಖೆ-3), ಪುತ್ತೂರು ಬಸ್ ನಿಲ್ದಾಣ ಬಳಿ ಉದಯ ಎಸ್, ಶಿವಳ್ಳಿ ಗ್ರಾಮದ ಕಕ್ಕುಂಜೆ ಕ್ಲಾಸಿಕ್ ಕಾಂಪ್ಲೆಕ್ಸ್ ಎದುರು ತಿಪ್ಪೆಸ್ವಾಮಿ, ಮತ್ತು ಸಂತೆಕಟ್ಟೆ ಶ್ರೀ ಲಕ್ಷ್ಮೀವೆಂಕಟೇಶ್ವರ ದೇವಸ್ಥಾನದ ಮುಂಭಾಗ ರಾಘವೇಂದ್ರ ಎಂಬವರನ್ನು ವಶಕ್ಕೆ ಪಡೆದಿದ್ದಾರೆ. ಈ ಆರೋಪಿಗಳಿಂದ ಒಟ್ಟು 3,950 ರೂಪಾಯಿ ನಗದು, ಮಟ್ಕಾ ಚೀಟಿಗಳು, ಬಾಲ್‌ಪೆನ್‌ಗಳು, ಮತ್ತು ನೋಕಿಯಾ, ಹೀರೋ, ಸೆಲ್‌ಕೋರ್, ವಿವೋ ಮೊಬೈಲ್‌ಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಈ ಪ್ರಕರಣಗಳು ಉಡುಪಿ ನಗರ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 76/2025, 77/2025, 78/2025, 79/2025, 80/2025, ಮತ್ತು 81/2025ರಡಿ ಕಲಂ 78(i)(iii) ಕರ್ನಾಟಕ ಪೊಲೀಸ್ ಕಾಯ್ದೆ ಮತ್ತು ಕಲಂ 112, 318(2) BNS ಅಡಿಯಲ್ಲಿ ದಾಖಲಾಗಿವೆ.

    ಮಣಿಪಾಲದಲ್ಲಿ ಒಂದು ಪ್ರಕರಣ:
    ರಾಮಪ್ರಭು, ಸಹಾಯಕ ಪೊಲೀಸ್ ಉಪನಿರೀಕ್ಷಕರು, ಮಣಿಪಾಲ ಪೊಲೀಸ್ ಠಾಣೆ, ಶಿವಳ್ಳಿ ಗ್ರಾಮದ ಬಾಂಬ್ ಬಜಾರ್‌ ಬಳಿಯ ಸಾರ್ವಜನಿಕ ಶೌಚಾಲಯದ ಹತ್ತಿರ ಡಿ. ನಾಗೇಶ್ ಎಂಬಾತನನ್ನು ಮಟ್ಕಾ ಜುಗಾರಿ ಆಟವಾಡಿಸುತ್ತಿರುವಾಗ ವಶಕ್ಕೆ ಪಡೆದಿದ್ದಾರೆ. ಆರೋಪಿಯಿಂದ 910 ರೂಪಾಯಿ ನಗದು, ಮಟ್ಕಾ ಚೀಟಿ, ಮತ್ತು ಬಾಲ್‌ಪೆನ್‌ ವಶಪಡಿಸಿಕೊಳ್ಳಲಾಗಿದೆ. ಈ ಪ್ರಕರಣ ಮಣಿಪಾಲ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 90/2025ರಡಿ ಕಲಂ 78(i)(iii) ಕರ್ನಾಟಕ ಪೊಲೀಸ್ ಕಾಯ್ದೆ ಮತ್ತು ಕಲಂ 112 BNS ಅಡಿಯಲ್ಲಿ ದಾಖಲಾಗಿದೆ.

    ಬ್ರಹ್ಮಾವರದಲ್ಲಿ ಒಂದು ಪ್ರಕರಣ:
    ಮಹಾಂತೇಶ ಜಾಬಗೌಡರ, ಪೊಲೀಸ್ ಉಪನಿರೀಕ್ಷಕರು (ತನಿಖೆ), ಬ್ರಹ್ಮಾವರ ಪೊಲೀಸ್ ಠಾಣೆ, ಉಪ್ಪೂರು ಗ್ರಾಮದ ಶ್ರೀ ಲಕ್ಷ್ಮಿ ಬಾರ್ & ಫ್ಯಾಮಿಲಿ ರೆಸ್ಟೋರೆಂಟ್ ಎದುರು ಕಮಲಾಕ್ಷ ಎಂಬಾತನನ್ನು ಮಟ್ಕಾ ಜುಗಾರಿ ಆಟಕ್ಕೆ ಹಣ ಸಂಗ್ರಹಿಸುತ್ತಿರುವಾಗ ವಶಕ್ಕೆ ಪಡೆದಿದ್ದಾರೆ. ಆರೋಪಿಯಿಂದ 1,600 ರೂಪಾಯಿ ನಗದು, ಮಟ್ಕಾ ಚೀಟಿ, ಮತ್ತು ಬಾಲ್‌ಪೆನ್‌ ವಶಪಡಿಸಿಕೊಳ್ಳಲಾಗಿದೆ. ಈ ಪ್ರಕರಣ ಬ್ರಹ್ಮಾವರ ಪೊಲೀಸ್ ಠಾಣೆಯಲ್ಲಿ ಅಪರಾಧ ಕ್ರಮಾಂಕ 123/2025ರಡಿ ಕಲಂ 112 BNS ಮತ್ತು ಕಲಂ 78(i)(iii) ಕರ್ನಾಟಕ ಪೊಲೀಸ್ ಕಾಯ್ದೆ ಅಡಿಯಲ್ಲಿ ದಾಖಲಾಗಿದೆ.

    ಎಲ್ಲಾ ಆರೋಪಿಗಳು ಲಿಯೋ ಕರ್ನಾಲಿಯೋ ಎಂಬಾತನ ಸೂಚನೆಯಂತೆ ಕಮಿಷನ್‌ಗಾಗಿ ಮಟ್ಕಾ ಜುಗಾರಿ ಆಟವಾಡಿಸಿ, ಸಾರ್ವಜನಿಕರಿಂದ ಹಣ ಸಂಗ್ರಹಿಸುತ್ತಿದ್ದರು ಎಂದು ತನಿಖೆಯಲ್ಲಿ ತಿಳಿದುಬಂದಿದೆ. ಪೊಲೀಸರು ಈ ಜಾಲದ ಬಗ್ಗೆ ಮತ್ತಷ್ಟು ತನಿಖೆ ನಡೆಸುತ್ತಿದ್ದಾರೆ.

  • ದಕ್ಷಿಣ ಕನ್ನಡ : ಭರತ್ ಕುಮ್ಡೇಲು, ಪುತ್ತಿಲ, ತಿಮರೋಡಿ ಸೇರಿ 36 ಮಂದಿ ಗಡಿಪಾರಿಗೆ ನಿರ್ಧಾರ!

    ದಕ್ಷಿಣ ಕನ್ನಡ, ಜೂನ್ 2, 2025: ಜಿಲ್ಲೆಯಲ್ಲಿ ಇತ್ತೀಚೆಗೆ ನಡೆದ ಗೊಂದಲದ ಘಟನೆಗಳ ಹಿನ್ನೆಲೆಯಲ್ಲಿ, ಜಿಲ್ಲೆಯಿಂದ 36 ಜನರ ಗಡಿಪಾರಿಗೆ ಪೊಲೀಸ್ ಇಲಾಖೆ ಆದೇಶ ಹೊರಡಿಸಲಾಗಿದೆ.

    • ಹಸೈನಾರ್- ಬಂಟ್ವಾಳ ನಗರ ಠಾಣೆ
    • ಪವನ್ ಕುಮಾರ್ -ಬಂಟ್ವಾಳ ಗ್ರಾಮಾಂತರ ಠಾಣೆ
    • ಚರಣ್ ರಾಜ್- ಬಂಟ್ವಾಳ ಗ್ರಾಮಾಂತರ
    • ಗಣೇಶ ಪೂಜಾರಿ- ವಿಟ್ಲ ಪೊಲೀಸ್ ಠಾಣೆ
    • ಅಬ್ದುಲ್ ಖಾದರ್- ವಿಟ್ಲ ಪೊಲೀಸ್ ಠಾಣೆ
    • ಚಂದ್ರಹಾಸ- ವಿಟ್ಲ ಪೊಲೀಸ್ ಠಾಣೆ
    • ಅಬ್ದುಲ್ ಲತೀಫ್- ಬಂಟ್ವಾಳ ಗ್ರಾಮಾಂತರ
    • ಮಹಮ್ಮದ್ ಅಶ್ರಫ್- ಬಂಟ್ವಾಳ ಗ್ರಾಮಾಂತರ
    • ಮೊಯ್ದಿನ್ ಅದ್ನಾನ್ – ಬಂಟ್ವಾಳ ಗ್ರಾಮಾಂತರ
    • ಭರತ್ ಕುಮ್ಡೇಲ್-ಬಂಟ್ವಾಳ ಗ್ರಾಮಾಂತರ
    • ಮಹಮ್ಮದ್ ಸಫ್ವಾನ್-ಬಂಟ್ವಾಳ ನಗರ
    • ಭುವಿತ್ ಶೆಟ್ಟಿ- ಬಂಟ್ವಾಳ ನಗರ
    • ರಾಜೇಶ್- ಬಂಟ್ವಾಳ ನಗರ
    • ಅಶ್ರಫ್ ಬಿ- ಪೂಂಜಾಲಕಟ್ಟೆ ಠಾಣೆ
    • ಮನೋಜ್ ಕುಮಾರ್- ಬೆಳ್ತಂಗಡಿ ಠಾಣೆ
    • ಮಹೇಶ ಶೆಟ್ಟಿ ತಿಮರೋಡಿ- ಬೆಳ್ತಂಗಡಿ ಠಾಣೆ
    • ಹಕೀಂ ಕೂರ್ನಡ್ಕ- ಪುತ್ತೂರು ನಗರ
    • ಅಜಿತ್ ರೈ- ಪುತ್ತೂರು ನಗರ

    ಇವರನ್ನು ಗಡಿಪಾರಿಗೆ ಆದೇಶಿಸಲಾಗಿದೆ.

    ಜೊತೆಗೆ

    • ಅರುಣ್ ಕುಮಾರ್ ಪುತ್ತಿಲ- ಪುತ್ತೂರು ನಗರ
    • ಮನೀಶ್ ಎಸ್- ಪುತ್ತೂರು ನಗರ
    • ಅಬ್ದುಲ್ ರಹಿಮಾನ್- ಪುತ್ತೂರು ನಗರ
    • ಕೆ. ಅಝೀಜ್- ಪುತ್ತೂರು ನಗರ
    • ಕಿಶೋರ್- ಪುತ್ತೂರು ಗ್ರಾಮಾಂತರ
    • ರಾಕೇಶ್ ಕೆ- ಪುತ್ತೂರು ಗ್ರಾಮಾಂತರ
    • ನಿಶಾಂತ್ ಕುಮಾರ್- ಪುತ್ತೂರು ಗ್ರಾಮಾಂತರ
    • ಮಹಮ್ಮದ್ ನವಾಝ್- ಕಡಬ ಠಾಣೆ
    • ಸಂತೋಷ್ ಕುಮಾರ್ ರೈ- ಉಪ್ಪಿನಂಗಡಿ ಠಾಣೆ
    • ಜಯರಾಮ- ಉಪ್ಪಿನಂಗಡಿ ಠಾಣೆ
    • ಸಂಶುದ್ದೀನ್- ಉಪ್ಪಿನಂಗಡಿ ಠಾಣೆ
    • ಸಂದೀಪ್- ಉಪ್ಪಿನಂಗಡಿ ಠಾಣೆ
    • ಮಹಮ್ಮದ್ ಶಾಕಿರ್- ಉಪ್ಪಿನಂಗಡಿ ಠಾಣೆ
    • ಅಬ್ದುಲ್ ಅಝೀಝ್ -ಉಪ್ಪಿನಂಗಡಿ ಠಾಣೆ
    • ಲತೇಶ್ ಗುಂಡ್ಯ- ಸುಳ್ಯ ಠಾಣೆ
    • ಮನೋಹರ- ಸುಳ್ಯ ಠಾಣೆ
    • ಪ್ರಸಾದ್- ಬೆಳ್ಳಾರೆ ಠಾಣೆ
    • ಶಮೀರ್ ಕೆ- ಬೆಳ್ಳಾರೆ ಠಾಣೆ

    ಮುಂತಾದವರ ಗಡಿಪಾರು ಮಾಡುವ ಸಲುವಾಗಿ ಕಾನೂನು ಪ್ರಕ್ರಿಯೆ ಆರಂಭಿಸಲಾಗಿದೆ ಎಂದು ಪೊಲೀಸ್ ಇಲಾಖೆ ತಿಳಿಸಿದೆ.

  • ದುಸ್ಥಿತಿ: ಶ್ರೀ ದುರ್ಗಾಂಬಾ ಬಸ್ ವಶಪಡಿಸಿಕೊಂಡ ಹಾವೇರಿ ಅಧಿಕಾರಿಗಳು

    ಹಾವೇರಿ, ಜೂನ್ 2, 2025: ದೇರಳಕಟ್ಟೆಯಿಂದ ಸಿರ್ಸಿಗೆ ಸಂಚರಿಸುತ್ತಿದ್ದ ಶ್ರೀ ದುರ್ಗಾಂಬಾ ಬಸ್ (ಬಸ್ ಸಂಖ್ಯೆ: KA51B1068) ಅನ್ನು ಹಾವೇರಿ ಸಾರಿಗೆ ಅಧಿಕಾರಿಗಳು ವಶಪಡಿಸಿಕೊಂಡಿದ್ದಾರೆ. ಬಸ್‌ನ ದುಸ್ಥಿತಿ ಮತ್ತು ಸಿಬ್ಬಂದಿಯ ದುರ್ವರ್ತನೆಯ ಬಗ್ಗೆ ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆದ ದೂರಿನ ನಂತರ ಈ ಕ್ರಮ ಕೈಗೊಳ್ಳಲಾಗಿದೆ. ಈ ಘಟನೆ ಮೇ 20, 2025 ರಂದು ನಡೆದಿದ್ದು, ಕರ್ನಾಟಕ ಪೊಲೀಸ್‌ಗೆ ಔಪಚಾರಿಕ ದೂರು ಸಲ್ಲಿಕೆಯಾದ ಬಳಿಕ ತ್ವರಿತ ಕ್ರಮ ಕೈಗೊಳ್ಳಲಾಗಿದೆ.

    ದೂರಿನ ಪ್ರಕಾರ, ಬಸ್‌ನ ಸ್ಥಿತಿ ತುಂಬಾ ಕೆಟ್ಟದಾಗಿತ್ತು. ಭಾರಿ ಮಳೆಯ ಸಂದರ್ಭದಲ್ಲಿ ಬಸ್‌ಗೆ ಬಾಗಿಲೇ ಇರದ ಕಾರಣ ಮತ್ತು ಸರಿಯಾದ ನಿರ್ವಹಣೆಯ ಕೊರತೆಯಿಂದಾಗಿ ಒಳಗೆ ನೀರು ಸೋರಿತು. ಎರಡು ವರ್ಷದ ಮಗು ಸೇರಿದಂತೆ ಪ್ರಯಾಣಿಕರು ಸಂಪೂರ್ಣವಾಗಿ ನೆನೆದು ಭಯಭೀತರಾದರು. ಲಗೇಜ್ ಇಡುವ ಕ್ಯಾಬಿನ್‌ನಲ್ಲಿ ನೀರು ತುಂಬಿತ್ತು, ಇದರಿಂದಾಗಿ ಪ್ರಯಾಣಿಕರು ತಮ್ಮ ಸಾಮಾನುಗಳನ್ನು ಬಸ್‌ನ ಒಳಗೆ ತರಬೇಕಾಯಿತು, ಇದು ಮತ್ತಷ್ಟು ತೊಂದರೆಗೆ ಕಾರಣವಾಯಿತು. ಚಾಲಕನ ಹತ್ತಿರ ಸಹಾಯ ಕೇಳಿದಾಗ ಒರಟಾಗಿ ಮಾತನಾಡಿದರು ಮತ್ತು “ಆಫೀಸ್‌ಗೆ ಸಂಪರ್ಕಿಸಿ” ಎಂದು ಹೇಳಿ ಸಹಾಯ ಮಾಡಲು ನಿರಾಕರಿಸಿದರು. ಕ್ಲೀನರ್ ಸಹ ಯಾವುದೇ ಸಹಾನುಭೂತಿ ತೋರದೆ, ನೀರು ತುಂಬಿದ ಲಗೇಜ್ ಕ್ಯಾಬಿನ್‌ಗೆ ಬೆರಳು ಮಾಡಿ ತೋರಿಸಿದರು.

    ಪ್ರಯಾಣದ ಅರ್ಧ ಗಂಟೆಯ ನಂತರ ಪರಿಸ್ಥಿತಿ ಇನ್ನಷ್ಟು ಹದಗೆಟ್ಟಿತು. ಮತ್ತೊಮ್ಮೆ ಸಹಾಯ ಕೇಳಲು ಹೋದಾಗ ಒಬ್ಬ ಚಾಲಕ ಸಹಾನುಭೂತಿಯಿಂದ ನಡೆದುಕೊಂಡು ಪ್ರಯಾಣಿಕರನ್ನು ಹೊನ್ನಾವರ ಪೊಲೀಸ್ ಠಾಣೆಗೆ ಕರೆದುಕೊಂಡು ಹೋದರು. ಆದರೆ ಚಾಲಕ ಪೊಲೀಸ್ ಅಧಿಕಾರಿಗಳ ಸಮ್ಮುಖದಲ್ಲೇ ಅಲ್ಲಿಂದ ಓಡಿ ಹೋಗಲು ಯಶಸ್ವಿಯಾದರು. ಪೊಲೀಸರು ಬಸ್ ಮಾಲಿಕರಿಗೆ ಕರೆ ಮಾಡಿದಾಗ, ಮಾಲಿಕರು ಕರೆ ಸ್ವೀಕರಿಸಿ ಪೊಲೀಸ್ ಠಾಣೆಯಿಂದ ಕರೆ ಎಂದು ತಿಳಿದುಕೊಂಡ ತಕ್ಷಣ ಕರೆ ಕಟ್ ಮಾಡಿ ಫೋನ್ ಸ್ವಿಚ್ ಆಫ್ ಮಾಡಿದರು.
    ಈ ದೂರು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಯಿತು. ಪೋಸ್ಟ್‌ನಲ್ಲಿ ಬಸ್‌ನ ಕಳಪೆ ಸ್ಥಿತಿಯ ಚಿತ್ರಗಳು, ಒಳಗೆ ನೀರು ಸೋರುತ್ತಿರುವ ವೀಡಿಯೊ ಮತ್ತು ಮೇ 23, 2025 ರಂದು ಹೊನ್ನಾವರ ಪೊಲೀಸ್ ಠಾಣೆಯಲ್ಲಿ ದಾಖಲಾದ FIR (ಸಂಖ್ಯೆ: 202958) ನಕಲನ್ನು ಸೇರಿಸಲಾಗಿತ್ತು.

    ಸಾರ್ವಜನಿಕರ ಆಕ್ರೋಶದ ನಂತರ, ಹಾವೇರಿ ಸಾರಿಗೆ ಅಧಿಕಾರಿಗಳು ಮೇ 21, 2025 ರಂದು ಬಸ್ (KA51B1068) ಅನ್ನು ವಶಪಡಿಸಿಕೊಂಡರು ಮತ್ತು ನಿರ್ಲಕ್ಷ್ಯ ಹಾಗೂ ಸುರಕ್ಷತಾ ಮಾನದಂಡಗಳ ಉಲ್ಲಂಘನೆಗಾಗಿ ಆಪರೇಟರ್ ವಿರುದ್ಧ ಪ್ರಕರಣ ದಾಖಲಿಸಿದರು. ಈ ಘಟನೆಯ ಬಗ್ಗೆ ಸಂಪೂರ್ಣ ತನಿಖೆ ನಡೆಸುವುದಾಗಿ ಮತ್ತು ಈ ಮಾರ್ಗದಲ್ಲಿ ಪ್ರಯಾಣಿಕರ ಸುರಕ್ಷತೆಗಾಗಿ ಕಟ್ಟುನಿಟ್ಟಾದ ನಿಯಮಗಳನ್ನು ಜಾರಿಗೊಳಿಸುವುದಾಗಿ ಅಧಿಕಾರಿಗಳು ಭರವಸೆ ನೀಡಿದ್ದಾರೆ.

  • ಮುಸ್ಲಿಮರಿಗೆ 4%ರಷ್ಟು ಗುತ್ತಿಗೆ ಮೀಸಲಾತಿಗೆ ಒಪ್ಪದ ಗವರ್ನರ್; ಮೂರನೇ ಬಾರಿಗೆ ಪ್ರಸ್ತಾವನೆ ತಿರಸ್ಕೃತ

    ಬೆಂಗಳೂರು: ಮುಸ್ಲಿಮರಿಗೆ 4% ಗುತ್ತಿಗೆ ಮೀಸಲಾತಿ (Muslim Contract Reservation) ನೀಡುವ ಸಂಬಂಧ ವಿಧಾನಸಭೆಯಲ್ಲಿ ಅಂಗೀಕಾರವಾಗಿದ್ದ ಬಿಲ್ ರಾಜಭವನದ ಅಂಗಳದಲ್ಲಿ ಜಟಾಪಟಿ ಮುಂದುವರಿದಿದೆ. ರಾಷ್ಟ್ರಪತಿಗಳಿಗೆ ಬಿಲ್ ಕಳುಹಿಸುವುದಾಗಿ ರಾಜ್ಯಪಾಲರಿಂದ (Thawar Chand Gehlot) ಸರ್ಕಾರಕ್ಕೆ ನೋಟ್ ಕಳುಹಿಸಿದ್ದಾರೆ.

    ರಾಷ್ಟ್ರಪತಿ ಅಂಗಳದಲ್ಲೇ ಮುಸ್ಲಿಂ ಗುತ್ತಿಗೆ ಮೀಸಲಾತಿ ಬಿಲ್ ಭವಿಷ್ಯ ನಿರ್ಧಾರವಾಗಲಿದ್ದು, ರಾಜ್ಯಪಾಲರು ವರ್ಸಸ್ ಸರ್ಕಾರದ ಹಠ ಹೆಚ್ಚಾಗಿದೆ. ಮೂರನೇ ಬಾರಿ ಬಿಲ್ ಅಂಗೀಕಾರಕ್ಕೆ ಒಪ್ಪದ ರಾಜ್ಯಪಾಲರು ರಾಷ್ಟ್ರಪತಿ ಅಂಗಳಕ್ಕೆ ಕಳುಹಿಸುವ ತೀರ್ಮಾನ ಮಾಡಿದ್ದಾರೆ.

    ಸರ್ಕಾರ ಎರಡು ಬಾರಿ ಸ್ಪಷ್ಟೀಕರಣ ಕಳುಹಿಸಿತ್ತು. ಭಾನುವಾರಷ್ಟೇ ರಾಜ್ಯಪಾಲರನ್ನು ಭೇಟಿಯಾಗಿ ಸಿಎಂ ಸಿದ್ದರಾಮಯ್ಯ ಕೂಡ ಮನವರಿಕೆ ಮಾಡಿಕೊಟ್ಟಿದ್ದರು. ಆದರೆ ಸರ್ಕಾರದ ಸ್ಪಷ್ಟೀಕರಣಕ್ಕೆ ಮನವರಿಕೆಯಾಗದ ರಾಜ್ಯಪಾಲರು, ರಾಷ್ಟ್ರಪತಿಗಳ ಅಂಗಳಕ್ಕೆ ಬಿಲ್ ಕಳುಹಿಸುವುದಾಗಿ ಸರ್ಕಾರಕ್ಕೆ ನೋಟ್ ಕಳುಹಿಸಿದ್ದಾರೆ.

  • ನೀಟ್ ಪರೀಕ್ಷೆಯಲ್ಲಿ ವಿದ್ಯಾರ್ಥಿಯ ಜನಿವಾರ ತೆಗೆಸಿದ ಅಧಿಕಾರಿಗಳು- ಘಟನೆ ಖಂಡಿಸಿ ಪ್ರತಿಭಟನೆ

    ಕಲಬುರಗಿ: ಮತ್ತೆ ರಾಜ್ಯದಲ್ಲಿ ನೀಟ್ ಪರೀಕ್ಷೆಯಲ್ಲಿ ಅಧಿಕಾರಿಗಳು ವಿದ್ಯಾರ್ಥಿ ಧರಿಸಿದ್ದ ಜನಿವಾರ ತೆಗೆಸಿರುವ ಘಟನೆ ಕಲಬುರಗಿಯ ಖಾಸಗಿ ಶಾಲೆಯಲ್ಲಿ ನಡೆದಿದೆ.

    ಇಂದು ರಾಜ್ಯದಾದ್ಯಂತ ನೀಟ್ ಪರೀಕ್ಷೆ ನಡೆದಿದ್ದು, ಶ್ರೀಪಾದ್ ಪಾಟೀಲ್ ನೀಟ್ ಪರೀಕ್ಷೆಗೆ ಹಾಜರಾಗಿದ್ದ. ಶ್ರೀಪಾದ್ ಪರೀಕ್ಷಾ ಕೇಂದ್ರದ ಒಳಗೆ ಹೋಗುವಾಗ ಅಧಿಕಾರಿಗಳು ಜನಿವಾರ ತೆಗೆದು ಬರುವಂತೆ ಸೂಚಿಸಿದ್ದಾರೆ.

    ಈ ವೇಳೆ ಶ್ರೀಪಾದ್ ಅಧಿಕಾರಿಗಳ ಸೂಚನೆಯಂತೆ ಜನಿವಾರ ತೆಗೆದು ಪರೀಕ್ಷೆಗೆ ಹಾಜರಾಗಿದ್ದಾನೆ. ಈ ಘಟನೆಯನ್ನು ಖಂಡಿಸಿ ಪರೀಕ್ಷಾ ಕೇಂದ್ರದ ಮುಂದೆ ಬ್ರಾಹ್ಮಣ ಸಮಾಜದವರು ಪ್ರತಿಭಟನೆ ನಡೆಸಿದ್ದಾರೆ. ಜನಿವಾರ ತೆಗೆಸಿದ ಅಧಿಕಾರಿಯನ್ನ ನಮ್ಮ ವಶಕ್ಕೆ ನೀಡಬೇಕೆಂದು ಪ್ರತಿಭಟನಾಕಾರರು ಆಗ್ರಹಿಸಿದ್ದಾರೆ.

    ಪರೀಕ್ಷಾ ಕೇಂದ್ರದ ಎದುರು ಟೈರ್ ಬೆಂಕಿ ಹಚ್ಚಿ ಪ್ರತಿಭಟನಾಕಾರರು ಆಕ್ರೋಶ ಹಾಕಿದ್ದು, ಪ್ರತಿಭಟನೆ ಎಬಿವಿಪಿ ಕಾರ್ಯಕರ್ತರು ಸಾಥ್ ನೀಡಿದರು. ಕಳೆದ ಏಪ್ರಿಲ್ ಸಿಇಟಿ ಪರೀಕ್ಷೆಯಲ್ಲೂ ಇಂತಹದೊಂದು ಪ್ರಕರಣ ನಡೆದಿದ್ದು, ಇದು ರಾಜ್ಯದಾದ್ಯಂತ ಬ್ರಾಹ್ಮಣ ಸಮಾಜದ ಆಕ್ರೋಶಕ್ಕೆ ಕಾರಣವಾಗಿತ್ತು.

  • Distraught by mother's suicide, son kills self

    Madikeri, Nov 18: In a tragic incident that occurred in Alekatte of Chowdlu village in Somwarpet taluk of Kodagu district, a son, who saw his mother hanging as he came home, killed himself in a similar way by hanging.

    Tangamani (55) and her son Harish (26) are the unfortunate victims of this tragedy. Tangamani, who is a resident of Alekatte road earned her livelihood by working as a daily wage labourer. Her son Harish was an auto driver.

    On Sunday, November 18 Tangamani had hanged herself in the house when Harish was not at home. When Harish came home, he was shocked to see his mother hanging. He immediately informed his relatives, who rushed to his house and later went to the police station to register a complaint. During this time, Harish also went inside the house and hanged himself with his lungi.

    The story behind this extreme step by mother and son has come to light after their deaths. Harish had married a girl, a resident of Alekatte Road Siddeshwara Tyre Works vicinity, nine months ago. However, their marital life was not okay. His bride was at Harish’s home for just 15 days and had left for her parent’s house. Though Harish tried his best to bring her back, she did not respond. In addition, Harish’s wife also filed a complaint in the court seeking alimony and divorce. Due to this both Harish and Tangamani were dejected in life.

    Both Harish and Tangamani used to share their sad story with relatives and neighbours often. On Sunday afternoon around 2.30 pm Tangamani killed herself and later Harish followed her in death.

    Somwarpet circle inspector Nanjundegowda, station officer Shivashankar and personnel visited the spot and did the inspection. A case in registered in the Somwarpet police station.

    Source: Daijiworld

  • ಕುಂದಾಪುರ ಫ್ಲೈಓವರ್‌ ಕಾಮಗಾರಿ ಮುಗಿಯದಿದ್ದರೆ ಟೋಲ್‌ ಬಂದ್‌

    ಕುಂದಾಪುರ: ಪಡುಬಿದ್ರಿ ಸೇತುವೆ ಜನವರಿಯಲ್ಲಿ, ಇಲ್ಲಿನ ಶಾಸ್ತ್ರಿ ಸರ್ಕಲ್‌ ಬಳಿಯ ಫ್ಲೈಓವರ್‌ಕಾಮಗಾರಿಯನ್ನು ಮಾರ್ಚ್‌ ಅಂತ್ಯದೊಳಗೆ ಪೂರ್ಣಗೊಳಿಸದಿದ್ದರೆ ಎಪ್ರಿಲ್‌ನಿಂದ ಸಾಸ್ತಾನ ಟೋಲ್‌ಗೇಟ್‌ನಲ್ಲಿ ಸುಂಕ ವಸೂಲಿಗೆ ಅವಕಾಶ ನೀಡುವುದಿಲ್ಲ ಎಂದು ಜಿಲ್ಲಾಧಿಕಾರಿ ಜಿ. ಜಗದೀಶ್‌ ಹೇಳಿದ್ದಾರೆ.

    ಅವರು ಸೋಮವಾರ ಇಲ್ಲಿನ ತಾಲೂಕು ಪಂಚಾಯತ್‌ನಲ್ಲಿ ಸಂಸದೆ ಶೋಭಾ ಕರಂದ್ಲಾಜೆ ಅವರು ಹೆದ್ದಾರಿ ಸಮಸ್ಯೆ ಕುರಿತು ನಡೆಸಿದ ಸಭೆಯಲ್ಲಿ ಹೆದ್ದಾರಿ ಪ್ರಾಧಿಕಾರದವರಿಗೆ ಎಚ್ಚರಿಕೆ ನೀಡಿದರು.

    ಕುಂದಾಪುರದಿಂದ ಶಿರೂರು ತನಕ ಹೆದ್ದಾರಿಯಲ್ಲಿ ಸಂಚಾರ ಅವ್ಯವಸ್ಥೆಯಿಂದ ಕೂಡಿದೆ. ಏಕಮುಖ ಸಂಚಾರವೂ ಸರಿಯಾಗಿಲ್ಲ. ಇದನ್ನು ಸರಿಪಡಿಸಬೇಕು ಎಂದು ಐಆರ್‌ಬಿಯವರಿಗೆ ಹೇಳಿದರು.

    ಸಂಸದೆ ಶೋಭಾ ಕರಂದ್ಲಾಜೆ ಮಾತನಾಡಿ, ತನ್ನ ಅವಧಿಯಲ್ಲಿ ಮಂಜೂರಾಗದ, ಪೂರ್ಣವಾಗದ ಕಾಮಗಾರಿಗಾಗಿ ಜನರಿಂದ ಆಕ್ರೋಶ ಎದುರಿಸಬೇಕಾಗಿ ಬಂದಿದೆ. ನವಯುಗ ಸಂಸ್ಥೆಯವರನ್ನು ದೇಶದಲ್ಲೆಡೆ ಕಪ್ಪುಪಟ್ಟಿಗೆ ಸೇರಿಸಲಾಗಿದೆ. ಬೆಂಗಳೂರಿನಲ್ಲಿ ಹೆದ್ದಾರಿ ಅಭಿವೃದ್ಧಿ ಬಗ್ಗೆ ಪ್ರಾಧಿಕಾರದ ರಾಜ್ಯ ನಿರ್ದೇಶಕರು, ಕೇಂದ್ರ ನಿರ್ದೇಶಕರು, ಲೋಕೋಪಯೋಗಿ ಸಚಿವರು, ಲೋಕೋಪಯೋಗಿ ಇಲಾಖಾ ಕಾರ್ಯದರ್ಶಿ, ಶಾಸಕರು, ಜಿಲ್ಲಾಧಿಕಾರಿ ಉಪಸ್ಥಿತಿಯಲ್ಲಿ ಸಭೆ ಕರೆಯಲಾಗುವುದು ಎಂದರು.

    ಹೆದ್ದಾರಿ ಪ್ರಾಧಿಕಾರದವರು ಮಾಹಿತಿ ನೀಡಿ, 2010ರಲ್ಲಿ ಆರಂಭವಾದ ಕಾಮಗಾರಿ 2013ರಲ್ಲಿ ಮುಗಿಯಬೇಕಿತ್ತು. ಸುರತ್ಕಲ್‌ನಿಂದ ಕುಂದಾಪುರವರೆಗೆ ಶೇ. 97ರಷ್ಟು ಕೆಲಸ ಆಗಿದೆ. ಉಳಿದ ಶೇ. 7ರಷ್ಟನ್ನು ಹೊಸದಾಗಿ ಟೆಂಡರ್‌ ಕರೆದು ಪೂರೈಸಲಾಗುವುದು. 2020 ಜನವರಿಯಲ್ಲಿ ಪಡುದ್ರಿ ಸೇತುವೆ, ಮಾರ್ಚ್‌ ವೇಳೆಗೆ ಫ್ಲೈಓವರ್‌, ಮತ್ತೆ ಮೂರು ತಿಂಗಳಲ್ಲಿ ಬಸ್ರೂರು ಮೂರುಕೈ ಅಂಡರ್‌ಪಾಸ್‌ ಕಾಮಗಾರಿ ಮುಗಿಸಲಾಗುವುದು ಎಂದರು.

    ಶಾಸಕ ಹಾಲಾಡಿ ಶ್ರೀನಿವಾಸ ಶೆಟ್ಟಿ, ಹೊಸದಾಗಿ ಟೆಂಡರ್‌ ನೀಡುವಾಗ ಸಾರ್ವಜನಿಕರಿಗೆ ಉಪಯೋಗ ವಾಗುವ ರೀತಿಯಲ್ಲಿ ಕಾಮಗಾರಿಯ ಯೋಜನೆ ಇರಲಿ ಎಂದರು. ಸಹಾಯಕ ಕಮಿಷನರ್‌ ಕೆ. ರಾಜು ಉಪಸ್ಥಿತರಿದ್ದರು.

  • ಅಫಾನ್ ಹತ್ಯೆಗೆ 5 ಲಕ್ಷ ರೂ.ಸುಪಾರಿ:ಹಣದ ಮೂಲದ ತನಿಖೆ

    ಕಾರವಾರ: ಭಟ್ಕಳದ ಯುವಕ ಮೊಹಮದ್ ಅಫಾನ್ ಜಬಾಲಿ(25)ಹತ್ಯೆಗೆ ಸುಪಾರಿ ಪಡೆದ ಹಂತಕರು ಆತನನ್ನು ಗೋವಾದಲ್ಲಿ ಕೊಂಡೊಯ್ದು ಕೊಲೆ ಮಾಡುವ ಯೋಜನೆ ರೂಪಿಸಿದ್ದರು ಎಂದು ಎಸ್​ಪಿ ಶಿವಪ್ರಕಾಶ ದೇವರಾಜು ತಿಳಿಸಿದ್ದಾರೆ.


    ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ಭಟ್ಕಳದ ಶಾನಭಾಗ ರೆಸಿಡೆನ್ಸಿಯ 114 ನೇ ಸಂಖ್ಯೆ ಕೋಣೆಯಲ್ಲಿ ಅ.19 ರಂದು ಅಫಾನ್​ನನ್ನು ಹಲ್ಲೆ ಮಾಡಿ, ಕೊಲೆ ಮಾಡಲಾಗಿತ್ತು. ಆ ಸಂಬಂಧ ಎಲ್ಲ 5ಆರೋಪಿಗಳನ್ನು ಬಂಧಿಸಲಾಗಿದೆ.

    ಭಟ್ಕಳದ ಮೊಹಮದ್ ಇಕ್ಬಾಲ್ ಮಂಗಳೂರಿನ ನಾಲ್ವರಿಗೆ ಸುಮಾರು 5 ಲಕ್ಷ ರೂ.ಸುಪಾರಿ ನೀಡಿದ್ದ. ಹತ್ಯೆಗೆ ಯೋಜನೆಯೂ ರೂಪುಗೊಂಡಿತ್ತು. ಆದರೆ, ಅದಕ್ಕೂ ಮೊದಲೇ ಅಫಾನ್ ಹಾಗೂ ಆರೋಪಿಯ ನಡುವೆ ಶಾನಭಾಗ ರೆಸಿಡೆನ್ಸಿಯಲ್ಲಿ ಜಗಳ ನಡೆದು ಅದು ಕೊಲೆಯ ಹಂತಕ್ಕೆ ಹೋಗಿದೆ. 
    ಆರೋಪಿಗಳು ಯುವಕನನ್ನು ಯಾವುದೋ ವಿಷಯಕ್ಕೆ ಬ್ಲ್ಯಾಕ್ ಮೇಲ್ ಮಾಡುತ್ತಿದ್ದರು ಎಂಬುದಷ್ಟೇ ತಿಳಿದು ಬಂದಿದೆ. ಕೊಲೆ ನಡೆದ ಸ್ಥಳದಲ್ಲಿ 5.12 ಲಕ್ಷ ರೂ. ದೊರಕಿದೆ. ಬಾಕಿ ವಿವರಗಳನ್ನು ಇನ್ನಷ್ಟು ತನಿಖೆಯ ನಂತರವಷ್ಟೇ ಬಹಿರಂಗಪಡಿಸಬಹುದು ಎಂದರು.

    ಪುರವರ್ಗದ ಮೊಹಮದ್ ಇಕ್ಬಾಲ್ ಇಬ್ರಾಹಿಂ ಶೇಖ್ ಎಂಬಾತನನ್ನು ಕೊಲೆ ನಡೆದ ದಿನವೇ ಬಂಧಿಸಲಾಗಿತ್ತು. ಮಂಗಳೂರು ಮೂಲದ ಸುಪಾರಿ ಕಿಲ್ಲರ್​ಗಳಾದ ಮೊಹಮದ್ ಸಿರಾಜುದ್ದೀನ್ ಹುಸೇನಾರ್(34), ನಜೀಮ್ ಇಬ್ರಾಹಿಂ(23), ಮೊಹಮದ್ ಮುಶ್ರಫ್ ಇಮ್ತಿಯಾಜ್(19), ಮೊಹಮದ್ ಅಶ್ರಫ್(28) ಎಂಬುವವರನ್ನು ಬಂಧಿಸಿ ನ್ಯಾಯಾಂಗ ಬಂಧನಕ್ಕೊಪ್ಪಿಸಲಾಗಿದೆ.
    ಹೆಚ್ಚುವರಿ ಎಸ್​ಪಿ ಗೋಪಾಲ ಬ್ಯಾಕೋಡ್ ಅವರ ನೇತೃತ್ವದಲ್ಲಿ ಭಟ್ಕಳ ಎಎಸ್​ಪಿ ನಿಖಿಲ್ ಬಿ. ಹಾಗೂ ಇತರ ಅಧಿಕಾರಿಗಳ ವಿಶೇಷ ತಂಡ ಈ ಪ್ರಕರಣ ಪತ್ತೆಗೆ ಶ್ರಮಿಸಿದ್ದರು ಎಂದರು.

    Source: Sahil Online